जिओचा सर्वात स्वस्त लॅपटॉप; स्मार्टफोन ऐवढी किंमत

मुंबई, ७ ऑक्टोंबर २०२२ : भारतीय दूरसंचार कंपनी रिलायन्स जिओच्या JioBook नावाच्या परवडणाऱ्या लॅपटॉपवर काम करत असल्याच्या बातम्या २०२१ च्या सुरुवातीला समोर आल्या. आता कंपनीने गूपचूप लॅपटॉप देशात लॉन्च केला आहे. रिलायन्स जिओ सध्या टेलिकॉम क्षेत्रात आघाडीवर आहे. JioBook आधीच गव्हर्नमेंट ई-मार्केटप्लसद्वारे (GeM) विक्रीसाठी आहे आणि दिल्लीतील प्रगती मैदानावर चालू असलेल्या इंडिया मोबाइल काँग्रेसमध्ये (IMC २०२२)देखील प्रदर्शित केले आहे.

रिलायन्सने जिओबुकसाठी क्वॉलकॉम आणि मायक्रोसॉफ्टसोबत भागीदारी केली आहे.क्वॉलकॉम कंपनी जिओच्या लॅपटॉपसाठी आर्म लिमिटेडच्या तंत्रज्ञानातून तयार केलेला चिपसेट उपलब्ध करून देणार आहे.विंडोज ऑपरेटिंग सिस्टीम बनवणारी मायक्रोसॉफ्ट कंपनी जिओ लॅपटॉपला अॅप सपोर्ट देणार आहे.

जिओ लॅपटॉप तपशील

JioBook मध्ये प्लॅस्टिक बॉडी आहे आणि कीबोर्डवरील Windows सोबत मागील पॅनलमध्ये Jio ब्रँडिंगसह आहे. लॅपटॉपमधील इनबिल्ट 4G LTE सपोर्ट हे अनेक लोकांचे मुख्य आकर्षण आहे. डिव्हाइस १३६६×७६८ च्या रिझोल्यूशनसह ११.६-इंच TN डिस्प्ले दाखवते. लॅपटॉप Qualcomm Snapdragon ६६५ चिपसेटला सपोर्ट करत आहे जो Adreno ६१०GPU सह येतो. हे २GB LPDDR4X RAM सह येत आहे. दरम्यान, रॅम वाढवता येणार नाही. ३२GB मेमरी आहे. त्याची ऑपरेटिंग सिस्टम JioOS म्हणून सूचीबद्ध आहे.

जियो बुक वैशिष्ट्ये

याशिवाय, ड्युअल मायक्रोफोनसह ड्युअल स्पीकर सेटअप आणि हेडसेटसाठी टू-इन-वन कॉम्बो पोर्ट आहे. पोस्टबद्दल बोलायचे झाले तर लॅपटॉपमध्ये USB २.० पोर्ट, USB ३.५ पोर्ट आणि HDMI पोर्ट आहे. हे Wi-Fi ८०२.११ac, Bluetooth ५.० ला देखील सपोर्ट करत आहे आणि एक microSD कार्ड स्लॉट आहे.

जियो बुक लॅपटॉपची किंमत १९५०० रुपये आहे आणि त्याची विक्री सरकारी ई-मार्केटप्लेस (GeM) द्वारे केली जात आहे. सध्या, लॅपटॉप केवळ सरकारी विभागातील कर्मचार्‍यांसाठीच खरेदीसाठी उपलब्ध आहे, दरम्यान, काही अफवा पसरविण्यात येत आहे की दिवाळीपासून जिओबुक मोठ्या प्रमाणात ग्राहकांपर्यंत पोहोचू शकते जिओचा हा स्वस्त लॅपटॉप टॅब्लेटला ऑप्शन ठरणार आहे. मात्र, जिओने या लॅपटॉप बाबत अधिकृतरित्या कोणतीही माहिती जाहीर केलेली नाही.

जियो बुक विशेषत: ज्यांना २० हजारांखालील लॅपटॉप खरेदी करायचा आहे त्यांच्यासाठी हा कमी बजेटचा लॅपटॉप आहे. सध्या फक्त सरकारी अधिकारीच लॅपटॉप खरेदी करु शकतात. मात्र, लवकरच सर्वसामान्यांना उपलब्ध होईल.

न्यूज अनकट प्रतिनिधी – वैभव शिरकुंडे