देशात लवकरच सैन्यदलांची संयुक्त कमांड; संरक्षणमंत्र्यांची घोषणा

जम्मू: २५ जूलै२०२२: देशाच्या तिन्ही सैन्यदलांत उत्तम समन्वय राखण्यासाठी लष्कर, हवाई दल आणि नौदल यांची ” जॉईन्ट थिएटर कमांड” स्थापन करण्याचा निर्णय केंद्र सरकारने घेतला आहे. अशी माहीती संरक्षणमंत्री राजनाथ सिंह यांनी रविवारी दिली.

त्याचप्रमाणे शस्त्रास्त्रांची सर्वाधिक आयात करणारा देश ही ओळख पुसत भारताची वाटचाल ही सर्वाधिक शस्त्रनिर्यात करणारा होण्याकडे सुरु आहे, असेही त्यांनी सांगितले. देशासाठी हुतात्मा झालेल्या जवानांना श्रद्धांजली वाहण्यासाठी जम्मूतील गुलशन मैदानावर जम्मू काश्मीर पीपल्स फोरमने आयोजित केलेल्या कार्यक्रमात ते बोलत होते.

संरक्षणमंत्री म्हणाले की, कारगिलमधील ऑपरेशन विजय अंतर्गत झलेल्या संयुक्त मोहिमा लक्षात घेता देशात जॉईन्ट थिएटर कमांडची संकल्पना राबविली जणार आहे, असे त्यांनी स्पष्ट केले आहे.

न्युज अनकट प्रतिनिधी: अमोल बारवकर