कल्याणी एम ४ : काश्मीर सीमेवर स्वदेशी युद्ध वाहन तैनात

नवी दिल्ली, ७ ऑक्टोबर २०२२ : भारतीय सैन्याची उत्तरी कमांडने आपल्या चिलखती वाहनांच्या ताफ्यात स्वदेशी बनावटीचे कल्याणी एम४ हे वाहन समाविष्ट केले आहे. हे ऑल टेरेन हाय मोबिलिटी कॉम्बॅट ट्रूप कॅरियर (एटीएचएमसीटीसी) आहे. कल्याणी एम४ वर आणि तळाशी जाड चिलखतांनी वेढलेले आहे. यासोबतच भूसुरुंग टाळणारी यंत्रणा आणि जाड कवचही बसवण्यात आले आहे. लष्कराच्या उत्तरी कमांडने आपल्या ट्विटर हँडलवरून त्याची छायाचित्रे प्रसिद्ध केली आहेत. जनरल ऑफिसर कमांडिंग इन चीफ लेफ्टनंट जनरल उपेंद्र द्विवेदी देखील दिसत आहेत.

उत्तर कमांड ४x४ क्विक रिअॅक्शन फोर्स व्हेइकल समाविष्ट करत आहे, असे ट्विटमध्ये लिहिले आहे. भारत फोर्जने बनवलेले हे स्वदेशी आर्मर्ड आहे. कल्याणी एम ४ ची निर्मिती कल्याणी ग्रुपची कंपनी भारत फोर्ज करते. लडाखमध्ये भयानक चाचण्या झाल्या आहेत. त्यानंतरच लष्कराने ते खरेदी करण्याचा निर्णय घेतला आहे. चीनसोबत सुरू असलेल्या सीमावादाच्या दरम्यान या वाहनांच्या चाचण्या सुरू झाल्या.

कल्याणी एम ४ हे असे मजबूत एटीएचएमसीटीसी वाहन आहे की १० किलो टीएनटी किंवा ५० किलो आयईडी बॉम्बचा स्फोट होऊनही त्याचा परिणाम होणार नाही. या वाहनाचे वजन १६ हजार किलोग्रॅम आहे. लांबी सुमारे ६ मीटर आहे. रुंदी २.६ मीटर आणि उंची २.४५ मीटर आहे. त्यामध्ये चालकासह दहा जण बसू शकतात. यात सहा-स्पीड ऑटोमॅटिक गियर ट्रान्समिशन आहे. एकदा इंधन भरल्यानंतर ते ८०० किमीपर्यंत धावू शकते. पॉवर स्टीयरिंग असलेल्या या वाहनाचा कमाल वेग १४० किलो प्रति तास आहे.

न्यूज अनकट प्रतिनिधी – सुरज गायकवाड