नवी दिल्ली : नेव्हल लाइट कॉम्बॅट एअरक्राफ्ट तेजस विमानवाहक युद्धनौका आयएनएस विक्रमादित्यवर उतरण्यात यशस्वी झाले. देशाच्या इतिहासात पहिल्यांदा अशी कामगिरी करण्यात आली आहे. ही कामगिरी कमांडर जयदीप मावळकर यांनी याचे लँडिंग यशस्वी केले आहे. एखादे स्वदेशी लढावू विमान एखाद्या युद्धनौकेवर उतरण्याची ही पहिलीच घटना आहे.
याबाबत अधिक माहिती अशी की, समुद्र आधारित परीक्षण केंद्रावर व्यापक परीक्षण पूर्ण केल्यानंतर डीआरडीओ, एडीएद्वारे विकसित नेव्हीने विक्रमादित्यवर शनिवारी सकाळी १०.२ मिनिटांनी याचे यशस्वी लँडिंग करण्यात आले. संरक्षण संशोधन आणि विकास संस्थेद्वारे विकसित करण्यात आलेले लाइट कॉम्बॅट एअरक्राफ्ट ‘अरेस्टर वायर’ च्या मदतीने विक्रमादित्यवर उतरले. एअरोनॉटिकल डेव्हलपमेंट एजन्सी नौसेनेसोबत मिळून लढाऊ एअरक्राफ्ट विकसित करत आहे.
काय आहे अरेस्टिर लँडिंग ?
जेव्हा एखादे अरेस्टिंग गिअरच्या सहाय्याने एखादे लढावू विमान छोट्या रनवेप्रमाणे विमानवाहक जहाजावर सहजगत्या लँड केले जाऊ शकते. याच्या यशस्वी परीक्षणानंतर आता ‘एलसीए तेजस’ च्या नेव्हल व्हर्जनला विक्रमादित्य या युद्धनौकेवर तैनात केले जाऊ शकेल. याशिवाय एलसीए तेजसचे नेव्हल व्हर्जन भारताच्या पुढच्या विमानवाहू युद्धनौका असलेल्या विक्रांतवरही तैनात केले जाऊ शकेल.
