लखीमपूर, 19 ऑक्टोंबर 2021: उत्तर प्रदेशातील लखीमपूर खेरी येथील शेतकऱ्यांना चिरडल्याच्या प्रकरणात फरार असलेल्या चार आरोपींना अटक करण्यात आली आहे. ज्यामध्ये थाप जीप चालवणाऱ्या सुमित जयस्वालचाही समावेश आहे. त्याच्यासह सत्य प्रकाश उर्फ सत्यम त्रिपाठी, शिशुपाल आणि नंदन सिंह यांनाही अटक करण्यात आली आहे. आरोपी सत्यप्रकाश उर्फ सत्यम याच्याकडून 32 बोअरचे रिव्हॉल्व्हरही जप्त करण्यात आले आहे.
लखीमपूर हिंसाचार प्रकरणात सुमित जैस्वाल, सत्य प्रकाश उर्फ सत्यम त्रिपाठी, शिशुपाल आणि नंदन सिंह हे थार जीपमधून फरार झाले होते. तेव्हापासून त्याचा शोध सुरू होता. आता सुमित जयस्वाल आणि इतर आरोपींना पोलिसांनी पकडले आहे. आता चौघांनाही रिमांडवर घेऊन चौकशी केली जाईल.
दुसरीकडे, याच प्रकरणात आरोपी अंकित दाससह तीन आरोपींनाही न्यायालयाकडून धक्का बसला आहे. लखीमपूर खेरीच्या सीजेएम कोर्टाने अंकित दास, लतीफ आणि शेखर यांचे जामीन अर्ज फेटाळले आहेत. या प्रकरणातील मुख्य आरोपी आणि केंद्रीय मंत्री अजय मिश्रा तेनी यांचा मुलगा आशिष मिश्रा याची जामीन याचिकाही सीजेएम कोर्टाने फेटाळली आहे.
रविवारी सकाळी 10 वाजेपर्यंत अंकित दाससह तिन्ही आरोपींची पोलीस कोठडी रिमांड संपली. अशा स्थितीत तिघांचीही सकाळी न्यायालयीन कोठडीत रवानगी करण्यात आली. तिन्ही आरोपींना तीन दिवसांची पोलीस कोठडी देण्यात आली, त्या दरम्यान एसआयटीच्या टीमने त्यांची चौकशी केली.
विशेष म्हणजे, विशेष तपास पथक (एसआयटी) लखीमपूर खेरी जिल्ह्यातील टिकुनिया येथे 3 ऑक्टोबर रोजी घडलेल्या घटनेचा आणि हिंसाचाराचा तपास करत आहे.
न्यूज अनकट प्रतिनिधी: ईश्वर वाघमारे
