लेनोवोचा नवीन लॅपटॉप भारतात लॉन्च, कमी किंमतीत उत्तम फिचर्स

पुणे, ६ सप्टेंबर २०२१: Lenovo IdeaPad Slim 5 Pro शुक्रवारी भारतात लॉन्च झाला.  हे आयडियापॅड मालिकेचे नवीन मॉडेल आहे.  असा दावा केला गेला आहे की हा लॅपटॉप स्ट्रीमिंगसाठी ऑप्टिमाइज्ड आहे आणि 2.2K पर्यंतचा IPS डिस्प्ले आहे.  यासोबतच यात झिरो टच लॉगिन आणि ड्युअल ॲरे मायक्रोफोन सारखी फीचर्स देण्यात आली आहेत.

 Lenovo IdeaPad Slim 5 Proची सुरुवातीची किंमत ७७,९९० रुपये ठेवण्यात आली आहे.  हा लॅपटॉप स्टॉर्म ग्रे कलर ऑप्शनमध्ये लॉन्च करण्यात आला आहे.  ग्राहक तो लेनोवोची वेबसाइट, ई-कॉमर्स पोर्टल आणि ऑफलाइन स्टोअरमधून खरेदी करू शकतील.

Lenovo IdeaPad Slim 5 Pro ची वैशिष्ट्ये

 हा लॅपटॉप Windows 10 वर चालतो आणि तो Windows 11 मध्ये अपग्रेड केला जाईल.  हा १४-इंच 2.2K आणि १६-इंच WQXGA IPS अँटी-ग्लेअर आवृत्त्यांमध्ये सादर केला गेला आहे.  १४ इंचीच्या व्हेरियंटमध्ये ग्राहकांना 11th-gen Intel Core i5, Core i7 आणि AMD Ryzen 7 चा पर्याय मिळेल.  त्याच वेळी, ग्राहकांना १६-इंचासाठी AMD Ryzen 7 आणि Ryzen 5 चे पर्याय असतील.

लेनोवोने लॅपटॉपमध्ये 16GB पर्यंत DDR4 रॅम आणि 1TB पर्यंत SSD M.2 PCIe स्टोरेज दिले आहे.  IdeaPad Slim 5 Pro मध्ये Intel Iris Xe, Integrated AMD Radeon आणि Nvidia GeForce ग्राफिक्स सपोर्ट देण्यात आला आहे.

यात 720p वेबकॅम आहे.  यात  Windows Helloद्वारे फेस रिकॉग्निशन देखील आहे.  यामध्ये ग्राहकांना झिरो टच लॉगिनचा सपोर्ट मिळेल.  यात ड्युअल अॅरे मायक्रोफोन देखील आहेत जे अमेझॉन अलेक्सा आणि मायक्रोसॉफ्ट कॉर्टानासह कार्य करतात.

 १४-इंच Lenovo IdeaPad Slim 5 Pro  मध्ये 56.5Whr बॅटरी आहे आणि १६-इंच मॉडेलमध्ये 75Whr बॅटरी आहे.  कनेक्टिव्हिटीच्या बाबतीत, यात Wi-Fi 6 आणि ब्लूटूथ v5.1 चा सपोर्ट आहे.  यात Dolby Atmos सह स्टीरिओ स्पीकर्स देखील आहेत.

न्यूज अनकट प्रतिनिधी: ईश्वर वाघमारे