मॅग्नस कार्लसनने पटकावले FIDE बुद्धिबळ विश्वचषक स्पर्धेचे विजेतेपद, भारताचा प्रज्ञनंदा उपविजेता

पुणे, २४ ऑगस्ट २०२३ : भारतीय ग्रँडमास्टर आर प्रज्ञनंदाला गुरुवारी फिडे विश्वचषक बुद्धिबळ स्पर्धेच्या अंतिम सामन्यात, जागतिक क्रमवारीत अव्वल स्थानावर असलेल्या मॅग्नस कार्लसनविरुद्ध टायब्रेकमध्ये १.५-०.५ असा पराभव पत्करावा लागला. दुसरा टायब्रेक २२ चालीनंतर बरोबरीत संपला. नॉर्वेजियन ग्रँडमास्टर कार्लसनने पहिला सामना जिंकल्यानंतर बचावात्मक खेळ केला.

कार्लसनचा विश्वचषकातील हा पहिलाच विजय असला तरी त्याने पाच वेळा विश्वविजेतेपद पटकावले आहे. पहिल्या टायब्रेक सामन्यात भारताच्या १८ वर्षीय प्रज्ञानंद विरुद्ध त्याने कडवी झुंज दिली आणि ४५ चालीनंतर विजय मिळवला. दुसऱ्या सामन्यात मात्र त्यांनी वर्चस्व राखले आणि सहज विजय मिळवला. तत्पूर्वी, मंगळवार आणि बुधवारी दोन सामने अनिर्णित राहिले, ज्यामुळे टायब्रेक झाला.

ग्रँडमास्टर प्रज्ञनंदाने या स्पर्धेत जागतिक क्रमवारीत दुसऱ्या क्रमांकावर असलेल्या हिकारू नाकामुरा आणि तिसऱ्या क्रमांकावर असलेल्या फॅबियानो कारुआना यांचा पराभव करत कार्लसनविरुद्ध अंतिम फेरी गाठली. या स्पर्धेनंतर प्रज्ञानानंदने कॅनडामध्ये होणाऱ्या कँडिडेट्स २०२४ स्पर्धेत प्रवेश केला. बॉबी फिशर आणि कार्लसन यांच्यानंतर या स्पर्धेत स्थान मिळवणारा तो तिसरा सर्वात तरुण खेळाडू ठरला.

न्यूज अनकट प्रतिनिधी : सूरज गायकवाड