विधानसभा संबंधी मनसे नागपूर शहर पदाधिकाऱ्यांची रविभवन येथे आढावा बैठक संपन्न

नागपूर १ ऑगस्ट २०२४ : महाराष्ट्र नवनिर्माण सेनेचे अध्यक्ष राज ठाकरे यांनी आगामी विधानसभा निवडणूक स्वबळावर लढविण्याचे जाहीर केलंय. नागपूर शहरातील सहाही विधानसभा मतदारसंघासाठी योग्य उमेदवार निवडून पक्षश्रेष्ठी समोर ठेवण्यासाठी पक्षाचे दोन निरीक्षक नागपुरात आले असून त्यांनी गुरुवारी रवीभवन येथे बैठकीत उर्वरित सहा जागांचा आढावा घेतला.

महाराष्ट्र नवनिर्माण सेना नागपूर शहरातील दक्षिण पश्चिम, पश्चिम, उत्तर, दक्षिण, मध्य व पूर्व मतदार संघातील बैठकआज रविभवन येथे संपन्न झाली. बैठकीमध्ये महाराष्ट्र नवनिर्माण सेनेचे पक्ष निरीक्षक दिलीप धोत्रे, मनसे अभियंता आणि कंत्राटदार संघटनेचे अध्यक्ष गौरव वावलकर, मनसे अभियंता- कंत्राटदार संघटनेचे कार्याध्यक्ष अवधूत चव्हाण, महाराष्ट्र राज्य उपाध्यक्ष किशोर सरायकर यांच्या प्रमुख उपस्थितीत हि बैठक पार पडलीय. मुख्य सेल व इतर सर्व अधिकृत सेलच्या सर्व पदाधिकाऱ्यांसोबत भेटी घेत निरीक्षकांच्या चर्चा झाल्या. येणाऱ्या विधानसभा २०२४ निवडणुकीबाबत इच्छुक असणाऱ्या उमेदवारांची नावे मागितली असता कोणतेच नाव समोर आले नसल्यामुळे नागपूर उपशहर अध्यक्ष तुषार गिऱ्हे यांनी निवडणूक लढण्याची इच्छा व्यक्त केलीय.यावेळी सर्व पदाधिकाऱ्यांनी एकजुटीने त्यांचे समर्थन करत पाठींबा जाहीर केला. सध्या दक्षिण पश्चिम मतदार संघात त्यांनी केलेल्या कामांचा बोलबाला असल्यामुळे त्यांचे नाव चर्चेत आहे. निवडणूक लढविण्यासंबंधी तुषार गिऱ्हे यांची पूर्ण तयारी असल्याचे दिसून येत आहे.

नागपूरचे शहर अध्यक्ष चंदू लाडे, विशाल बडगे, शहर सचिव श्याम पुनियानी यांच्या उपस्थितीत सर्व पदाधिकाऱ्यांनी तुषार गिऱ्हे यांना पूर्ण समर्थन असल्याची माहिती दिली व तुषार गिऱ्हे यांना निवडणूक लढविण्याकरिता शुभेच्छा दिल्या. याप्रसंगी मनसे कार्यकर्ते मोठ्या संख्येने उपस्थित होते.

न्युज अनकट प्रतिनीधी : नीता सोनवणे