गुजरातमध्ये मान्सून दाखल, अहमदाबादसह अनेक जिल्ह्यात जोरदार पाऊस

अहमदाबाद (गुजरात), दि. १४ जून २०२०: मान्सूनने गुजरात मध्ये दाखल दिले आहे. काल रात्रीपासून अहमदाबादमध्ये अधून मधून पाऊस पडत आहे. पडत असलेल्या पावसामुळे गुजरात मधील लोकांना आता उष्णतेपासून दिलासा मिळाला आहे. या पावसाबरोबरच गुजरातच्या अनेक भागात जोरदार वारा सुरू आहे.

गुजरातमधील अरावल्ली, साबरकांठा, राजकोट, अहमदाबाद, अमरेली आणि जुनागड जिल्ह्यात मुसळधार पाऊस पडत आहे. अहमदाबादमध्ये मुसळधार पावसामुळे वासना बॅरेजेचे दोन दरवाजे उघडण्यात आले. अहमदनगरच्या मणिनगर, हातकेश्वर, वस्त्रल, वडाज, राणीप, ओधव, सीजी रोड यासारख्या भागात मुसळधार पाऊस सुरू आहे.

नैऋत्य मॉन्सूनने गोवा आणि महाराष्ट्रात सीमेवर देखील आगमन केले आहे. आता मान्सून देशाच्या उर्वरित भागांमध्ये देखील वेगाने हजेरी लावेल अशी अपेक्षा आहे. हवामान खात्याचा अंदाज आहे की पावसाळ्यामुळे येत्या ४८ तासांत महाराष्ट्रातील बर्‍याच भागात जोरदार पाऊस पडेल.

यापूर्वी हवामान खात्याने गुजरात प्रदेश, दक्षिणपूर्व मध्य प्रदेश, उप-हिमालयीय पश्चिम बंगाल, सिक्कीम, बिहार, झारखंड, उत्तर छत्तीसगड, जम्मू-काश्मीर, लडाख, गिलगित बाल्टिस्तान आणि मुझफ्फराबाद या भागांमध्ये हलक्‍या ते मध्यम स्वरूपाचा पाऊस पडेल असा अंदाज वर्तवला होता. त्याचबरोबर पूर्व उत्तर प्रदेश आणि राजस्थानच्या काही भागात हलका पाऊस किंवा वादळ येण्याची शक्यता वर्तवली आहे.

न्यूज अनकट प्रतिनिधी