राज्यात 42,000 हून अधिक नवीन रुग्ण, जाणून घ्या काय आहे देशाची स्थिती

मुंबई, 16 जानेवारी 2022: कोरोनाचे डेल्टा आणि ओमिक्रॉन प्रकार देशभरात वेगानं वाढत आहेत. देशाच्या राजधानीसह अनेक राज्यांमध्ये दररोज नवीन प्रकरणं समोर येत आहेत, तसेच कोरोना संसर्गामुळे मृत्यू होत आहेत. कोरोनाच्या वाढत्या संख्येत मृत्यूवर नियंत्रण नसणं ही चिंतेची बाब आहे.

महाराष्ट्र: कोरोनावर लागू असलेल्या निर्बंधांमध्ये कोणताही बदल होणार नाही

कोविड-19 आढावा बैठकीनंतर महाराष्ट्राचे उपमुख्यमंत्री अजित पवार म्हणाले की, सध्या लागू असलेल्या मार्गदर्शक तत्त्वांमध्ये आणि निर्बंधांमध्ये कोणताही बदल करण्याची गरज नसल्याचा निर्णय घेण्यात आलाय. मेडिकल स्टोअर्सना कोविड 19 अँटीजेन सेल्फ टेस्ट किट्स खरेदी केलेल्या व्यक्तींच्या नोंदी ठेवण्याचे आदेश देण्यात आले आहेत. महाराष्ट्रात काल 42,462 नवीन रुग्ण आढळले आहेत. त्याचवेळी राज्यात ओमिक्रॉनचे 125 रुग्ण आढळले आहेत.

मुंबईत 10,661 नवीन पॉझिटिव्ह रुग्ण, 11 मृत्यू

शनिवारी मुंबईत कोरोनाचे 10,661 नवीन रुग्ण आढळले आहेत. त्यात 11 जणांचा मृत्यू झाला होता. येथे 54,558 नमुने तपासण्यात आले. गेल्या 24 तासांत मुंबईत 81 पोलीस कर्मचारी कोरोना पॉझिटिव्ह आढळले आहेत. मुंबईत आतापर्यंत 10,540 पोलिस पॉझिटिव्ह आले आहेत. 126 पोलिसांचा मृत्यू झालाय. येथे 1,312 कोरोना रुग्ण सक्रिय आहेत.

ओमिक्रॉनपेक्षा डेल्टा व्हेरिएंट अजूनही अधिक

महाराष्ट्राच्या आरोग्य विभागाच्या एका वरिष्ठ अधिकाऱ्यानं सांगितलं की, ओमिक्रॉनच्या भीतीमध्ये डेल्टा प्रकाराची प्रकरणं अजूनही समोर येत आहेत. आरोग्य विभागाचे अतिरिक्त मुख्य सचिव डॉ. प्रदीप व्यास यांनी सहकाऱ्यांना लिहिलेल्या पत्रात म्हटलंय की, 4,200 हून अधिक नमुन्यांचं विश्लेषण करण्यात आलंय, त्यापैकी 68 टक्के नमुन्यांमध्ये डेल्टा प्रकार आहे, तर 32 टक्के रुग्ण ओमिक्रॉनचे आहेत. याच डेल्टा प्रकाराने गेल्या वर्षी दुसऱ्या लाटेत कहर केला होता.

अनेक राज्यांमध्ये, नवीन प्रकरणांमध्ये संसर्गामुळं मृत्यू झाले आहेत. वाढत्या कोरोना प्रकरणांच्या पार्श्वभूमीवर आसाम सरकारने मास्क अनिवार्य केले आहेत. यासोबतच आसामचे मुख्यमंत्री हिमंता बिस्वा सरमा म्हणाले की, ज्यांना लसीचे दोन्ही डोस मिळाले नाहीत, त्यांना बाजारात जाऊ दिले जाणार नाही.

दिल्लीत 20,718 नवीन प्रकरणं नोंदली गेली, 30 जणांचा मृत्यू

देशाची राजधानी दिल्लीत गेल्या 24 तासांत कोरोनाचे 20718 नवीन रुग्ण आढळले आहेत. त्याचवेळी 30 कोरोनाबाधितांचा मृत्यू झालाय. येथे 24 तासांत 67614 नमुन्यांची तपासणी करण्यात आली. येथे संसर्ग दर 30.64% वर पोहोचलाय.

उत्तराखंडमध्ये कोरोनाचे 3848 नवीन रुग्ण, 2 जणांचा मृत्यू

उत्तराखंडमध्ये कोरोनाचे 3848 नवीन रुग्ण आढळले आहेत. त्याचवेळी 2 कोरोनाबाधितांचा मृत्यू झाला. राज्यात 14892 कोरोना रुग्ण सक्रिय आहेत. अल्मोडामध्ये 128, बागेश्वरमध्ये 75, चमोलीमध्ये 63, चंपावतमध्ये 67, डेहराडूनमध्ये 1362, हरिद्वारमध्ये 641, नैनितालमध्ये 719, पौडी गढवालमध्ये 168, पिथौरागढमध्ये 50, रुद्रप्रयागमध्ये 26, गारवळमध्ये 1362, उडीनगरमध्ये उत्तरकाशीमध्ये 28 कोरोनाचे रुग्ण आढळले आहेत.

तामिळनाडूमध्ये 23,989 प्रकरणं, 11 मृत्यू

तामिळनाडूमध्ये 23,989 प्रकरणं आढळून आली आहेत. चेन्नईमध्ये 8978, चेंगलपट्टूमध्ये 2854, कोईम्बतूरमध्ये 1732 प्रकरणं आढळून आली. त्याच वेळी 10,988 लोक बरे झाले. येथे 11 जणांच्या मृत्यूची बातमी आहे.

गोव्यात 3274 प्रकरणं, 4 मृत्यू

गोव्यात 3274 रुग्ण आढळले आहेत. त्यात 4 जणांचा मृत्यू झाला आहे. गोव्यातील सक्रिय प्रकरणे 20078 आहेत. गुजरातबद्दल बोलायचे झाले तर येथे 9,177 नवीन रुग्ण आढळले आहेत, तर 7 मृत्यू झाले आहेत. याशिवाय सेलाकुई, डेहराडून येथील दून बिझनेस स्कूलमधील 44 विद्यार्थी कोरोना पॉझिटिव्ह असून, सर्वांना होम आयसोलेशन करण्यात आलंय.

झारखंडमध्ये ओमिक्रॉनची 14 नवीन प्रकरणं

झारखंडचे अतिरिक्त मुख्य सचिव आरोग्य अरुण सिंग यांनी सांगितलं की, झारखंडमध्ये ओमिक्रॉन प्रकाराची 14 नवीन प्रकरणं नोंदवली गेली आहेत. एकूण 87 बाधित नमुने ILS लॅब भुवनेश्वरला जीनोम सिक्वेन्सिंगसाठी पाठवण्यात आले. यामध्ये, 14 लोकांमध्ये ओमिक्रॉनची पुष्टी झाली आहे, तर डेल्टा व्हेरिएंटची पुष्टी एकामध्ये झालीय आणि 32 जणांमध्ये चिंतेचा प्रकार असल्याची पुष्टी झाली आहे. झारखंड सरकारने कोविडच्या प्रकरणांमध्ये राज्यात आधीच लागू केलेले निर्बंध सुरू ठेवण्याचा निर्णय घेतलाय. 15 जानेवारीपर्यंत अनेक गोष्टींवर बंदी घालण्यात आली होती. ही बंदी आता 22 जानेवारीपर्यंत वाढवण्यात आलीय.

बिहारमध्ये कोरोनाचे 6,325 नवीन रुग्ण समोर आले आहेत

बिहारमध्ये गेल्या 24 तासांत कोरोनाचे 6225 रुग्ण आढळले आहेत. बिहारमध्ये एकूण सक्रिय रुग्णांची संख्या 35916 वर पोहोचली आहे.

कर्नाटक: कोरोनाचे 32,793 नवीन रुग्ण

कर्नाटकमध्ये कोरोना पॉझिटिव्ह दर 15% पर्यंत वाढला आहे. राज्यात गेल्या 24 तासांत कोरोनाचे 32 हजार 793 नवे रुग्ण आढळून आले आहेत. त्याच वेळी, बंगळुरूमध्ये 22,284 प्रकरणं नोंदवली गेली आहेत. 4,273 लोक बरे झाले आहेत आणि रुग्णालयातून घरी गेले आहेत. त्याच वेळी, राज्यात 1,69,850 सक्रिय प्रकरणे आहेत. बंगलोरमध्ये 129000 आहेत.

जम्मू-काश्मीरमध्ये कोरोनाचे ३२५१ नवे रुग्ण

जम्मू-काश्मीरमध्ये कोरोनाचे 3251 रुग्ण आढळले आहेत, तर 4 कोरोनाबाधितांचा मृत्यू झाल्याची बातमी आहे. येथे काश्मीरमध्ये 2122 आणि जम्मूमध्ये 1129 प्रकरणे नोंदवण्यात आली आहेत.

उत्तर प्रदेशमध्ये कोरोना संसर्गाचे 15,795 नवीन रुग्ण

उत्तर प्रदेशात एका दिवसात एकूण 2,58,904 नमुने तपासण्यात आले. त्यापैकी 15,795 कोरोनाचे नवीन रुग्ण आढळले आहेत. राज्यात 24 तासांत 5031 लोक कोविड-19 मधून बरे झाले आहेत. राज्यात एकूण 95,148 कोरोनाचे सक्रिय रुग्ण आहेत.

न्यूज अनकट प्रतिनिधी: ईश्वर वाघमारे