मोटोरोला वन फ्यूजन प्लस १६ जून रोजी भारतात होणार लाँच

नवी दिल्ली, दि. १३ जून २०२०: १६ जून रोजी भारतात मोटोरोला वन फ्यूजन प्लस लॉन्च होत आहे. फ्लिपकार्ट टीझर पेजवर ही माहिती देण्यात आली आहे. लेनोवोच्या मालकीच्या कंपनीने अनेक ट्वीटमध्ये या फोन विषयी सांगितले आहे. आता ई-कॉमर्स कंपनीने याची पुष्टी केली आहे की हा स्मार्टफोन मंगळवार, १६ जून रोजी भारतात लॉन्च होईल. काही दिवसांपूर्वी हा स्मार्टफोन युरोपमध्ये लाँच करण्यात आला होता. यात पॉप-अप कॅमेरा आहे.

फ्लिपकार्टवरील मोटोरोला वन फ्यूजन प्लस च्या टीझर पेजवर अशी माहिती देण्यात आली आहे की हा १६ जून रोजी भारतात लॉन्च होईल. लॉन्चच्या तारखेशिवाय हे देखील स्पष्ट झाले आहे की हा स्मार्टफोन लॉन्च झाल्यानंतरच फ्लिपकार्टवर उपलब्ध होईल. तसेच, तो इतरत्र उपलब्ध करुन दिली जाऊ शकतो. टीझर पृष्ठावरून हेही समजले आहे की हा युरोप प्रमाणेच भारतात दोन रंगांच्या पर्यायांमध्ये येईल – ट्विलाइट ब्लू आणि मूनलाइट व्हाइट.

लॉन्चनंतर या स्मार्टफोनची भारतीय किंमत आणि उपलब्ध असलेल्या ऑफर्सची माहिती दिली जाईल. युरोपमध्ये त्याच्या सिंगल ६ जीबी + १२८ जीबी व्हेरिएंटची किंमत EUR २९९ (सुमारे २५,००० रुपये) आहे.

मोटोरोला वन फ्यूजन प्लस ची वैशिष्ट्ये

हा स्टॉक Android 10 वर चालतो आणि त्यात ६.५-इंचाचा फुल-एचडी प्लस (१०८०×२३४० पिक्सेल) डिस्प्ले आहे. यात स्नॅपड्रॅगन ७३० प्रोसेसर असून ६ जीबी रॅम आणि १२८ जीबी स्टोरेज आहे. या स्मार्टफोनच्या मागील भागात क्वाड कॅमेरा सेटअप देण्यात आला आहे. त्याचा प्राथमिक कॅमेरा ६४ एमपीचा आहे. याशिवाय यात ८ एमपीचा अल्ट्रा-वाइड अँगल कॅमेरा, ५ एमपी मॅक्रो कॅमेरा आणि २ एमपी डेप्थ कॅमेरा आहे. सेल्फीसाठी समोर १६ एमपी कॅमेरा देण्यात आला आहे. हा पॉप-अप कॅमेरा मॉड्यूलमध्ये उपस्थित आहे. याची बॅटरी ५,००० एमएएच आहे आणि यात १५ वॉट् फास्ट चार्जिंग समर्थित आहे.

न्यूज अनकट प्रतिनिधी