मुख्यमंत्री ठाकरेंबद्दल शिर्डीकरांमध्ये नाराजीचा सूर

शिर्डी : मुख्यमंत्री ठाकरे यांनी जन्मस्थानाचा उल्लेख केल्याने पुन्हा भाविक व शिर्डीकरांमध्ये नाराजीचा सूर व्यक्त होत आहे
मुख्यमंत्री उद्धव ठाकरे यांनी मात्र साईबाबांच्या जन्मस्थळ असलेल्या परभणी जिल्ह्यातील पाथरीचा विकास करणार असल्याचे सांगून शिर्डीकर व भाविकांची नाराजी ओढवून घेतली आहे.
साईसमाधी शताब्दी सोहळ्यात राष्ट्रपतींनी साईबाबांच्या जन्मस्थानाचा उल्लेख केला होता. यावर नाराज साईभक्त व शिर्डीकरांनी राष्ट्रपतींची भेट घेऊन साईंच्या जन्मस्थानाचा खुलासा केला होता.
साईबाबांनी आपल्या हयातीत आपले नाव, गाव, जात, धर्म उघड केला नाही. साईसत चरित्रात कुठेही साईबाबांच्या जन्म व जन्मस्थळाचा उल्लेख नाही.
ज्या बाबी ज्ञात नाहीत त्या अज्ञात आहेत. त्याबद्दल अधिकृत बोलणे कठीण वाटते, असे साईबाबा संस्थानचे अध्यक्ष डॉ. सुरेश हावर यांनी सांगितले.