मुंबई, १८ मे २०२३: दिग्दर्शक अनिश उपासनाचा ‘जानकी जाने’ हा चित्रपट नुकताच थिएटरमध्ये हिट झाला. त्यांनी चित्रपटगृहांना एक विनंती केली आहे. त्यांच्या मते चित्रपटगृहांचे मालक जुड अँथनी जोसेफच्या ‘2018’ या चित्रपटाचे शोज लावताना छोट्या चित्रपटांना कमी शोज देत आहेत. छोट्या चित्रपटांच्या वेळा बदलल्याने त्या चित्रपटाच्या कमाईवर त्याचा परिणाम होत आहे.
‘2018’ निर्माते आणि चित्रपट प्रदर्शकांना लिहिलेल्या खुल्या पत्रात, ‘मॅटिनी’ आणि ‘सेकंड्स’ सारख्या चित्रपटांचे दिग्दर्शन केलेल्या अनिश उपासनाने म्हटले आहे की,’जानकी जाने’, ‘नेमार’ आणि ‘अनुरागम’ सारख्या छोट्या कौटुंबिक चित्रपटांना प्रथम आणि द्वितीय शो आवश्यक आहेत. त्या चित्रपटांनाही प्रेक्षक मिळणे तेवढेच महत्त्वाचे आहे.प्रत्येकजण 2018 बनवू शकत नाही. हे खरे आहे की ज्युड अँथनीचा चित्रपट ब्लॉकबस्टर आहे आणि म्हणूनच प्रेक्षक थिएटरमध्ये येत आहेत.
परंतु त्या चित्रपटाच्या शोज साठी इतर छोट्या चित्रपटांचे शोज वेगळ्या वेळी प्रदर्शित करणे योग्य नाही.प्रेक्षक दिवसाच्या कोणत्याही वेळी ‘2018’ पाहतील पण ‘जानकी जाने’ सारख्या चित्रपटाला प्रेक्षक मिळण्यासाठी त्या चित्रपटाचे मॉर्निंग शोज असणे गरजेचे आहे, असेही त्याने लिहिलेल्या पत्रात नमूद केले आहे. आम्ही तुम्हाला 2018 थिएटरमधून काढून टाकण्यास सांगत नाही. तुम्ही छोट्या चित्रपटांसाठी जागा द्यावी अशी आमची इच्छा आहे.तर इतर प्रक्रिया अयशस्वी झाल्यामुळे सोशल मीडियावर खुले पत्र लिहावे लागले असा खुलासा ही दिग्दर्शक अनिश उपासनाने केला आहे.
न्यूज अनकट प्रतिनिधी:- ऋतुजा पंढरपुरे
