पुणे, १४ जून २०२१: सर्बियाच्या नोवाक जोकोविचने पुन्हा एकदा हे सिद्ध केले की तो असाच जगातील पहिला क्रमांकाचा खेळाडू बनला नाही. फ्रेंच ओपन २०२१ च्या अंतिम सामन्यात जोकोविचने जगातील पाचव्या मानांकित ग्रीक खेळाडू स्टेफानोस सितसिपासचा पराभव केला. या विजयासह जोकोविचने आपले १९ वे ग्रँड स्लॅम जेतेपद जिंकले.
जोकोविचने आपल्या चौथ्या फेरीच्या सामन्यापासून १८ सेट खेळले आणि कमीतकमी दोनदा चारही ग्रँड स्लॅम जेतेपद जिंकणारा ओपन एरा मधील पहिला खेळाडू ठरला. रॉय इमर्सन आणि रॉड लेव्हरनंतर तो तिसरा खेळाडू ठरला आहे. अंतिम सामन्यात जोत्कोविचसमोर सितसिपासने कडक आव्हान उभे केले आणि ही लढत शेवटच्या क्षणापर्यंत सुरू राहिली. त्याने अंतिम सामन्यात ग्रीसच्या स्टेफानोस सितसिपासचा ६-७, २-६, ६-३, ६-२, ६-४ असा पराभव केला.
विजयानंतर जोकोविच म्हणाला की गेल्या ४८ तासात मी दोन चॅम्पियन्ससमोर सुमारे ९ तास खेळलो, ते शारीरिकदृष्ट्या खूप आव्हानात्मक होते परंतु मला माझ्या क्षमतेवर विश्वास आहे, मला माहित आहे की मी हे करण्यास सक्षम आहे. त्याने आपल्या प्रशिक्षक फिजिओचे आभार मानले. जीओएटी टॅगचा प्रबळ दावेदार असलेल्या जोकोविचने आता रॉजर फेडरर आणि राफेल नदालच्या २० ग्रँड स्लॅमच्या विक्रमापासून अवघ्या एक पाऊल दूर आहे. मॅरेथॉन उपांत्य सामन्यात जोकोविचने जागतिक क्रमवारीत -३ स्पेनच्या राफेल नदालचा पराभव केला.
न्यूज अनकट प्रतिनिधी: ईश्वर वाघमारे
