Ola ने लॉन्च केली सर्वात स्वस्त इलेक्ट्रिक स्कूटर

पुणे, २२ ऑक्टोबर : इलेक्ट्रिक टू-व्हीलर कंपनी ओला इलेक्ट्रिकने दिवाळीपूर्वी एक मोठी घोषणा केली आहे. कंपनीने आपली सर्वात स्वस्त इलेक्ट्रिक स्कूटर लॉन्च केली आहे. या इलेक्ट्रिक स्कूटरला Ola S1 Air असे नाव देण्यात आले आहे. कंपनीच्या Ola S1 स्कूटरची ही परवडणारी आवृत्ती आहे. या स्कूटरमध्ये तुम्हाला १०० किमी पेक्षा जास्त रेंज मिळणार आहे. स्कूटर ९९९ रुपयांमध्ये बुक केली जाऊ शकते. विशेष म्हणजे दिवाळीनिमित्त कंपनी या स्कूटरवर ५ हजार रुपयांची सूटही देत ​​आहे.

किंमत आणि बुकिंग नवीन २०२२ Ola S1 Air व्हेरियंटची किंमत ८९,९९९ रुपये (एक्स-शोरूम) ठेवण्यात आली आहे. ही कंपनीच्या OLA S1 पेक्षा २०,००० रुपये आणि S1 Pro पेक्षा ५०,००० रुपये स्वस्त आहे. मात्र, ही किंमत खास दिवाळीसाठी असून २४ ऑक्टोबरपर्यंत वैध आहे. यानंतर किंमत ८४,९९९ रुपये होईल. ही स्कूटर ९९९ रुपयांच्या टोकन रकमेवर बुक केले जाऊ शकते. स्कूटरची डिलिव्हरी पुढील वर्षी एप्रिलपर्यंत सुरू होईल.

बॅटरी आणि श्रेणी

नवीन Ola S1 Air मध्ये २.५ kWh बॅटरी पॅक आहे. याला १०१किमी ची ARAI-प्रमाणित श्रेणी मिळेल. जरी वास्तविक जगात ७६ किमी रेंजचा दावा केला जात आहे. तिचे टॉप स्पीड ९० किमी प्रतितास आहे. ती फक्त ४.३ सेकंदात ० ते ४० किमी प्रतितास वेग वाढवते. स्कूटरसोबत ५००W पोर्टेबल चार्जर देण्यात आला आहे, ज्याद्वारे ती ४.५ तासांत पूर्ण चार्ज होऊ शकते.

वैशिष्ट्ये :

या स्कूटरला बाकीच्या कंपनीच्या मॉडेलपेक्षा थोडे वेगळे डिझाइन देण्यात आले आहे. यात ड्युअल-टोन पेंट फिनिश, नवीन रीअर ग्रॅब हँडल्स आणि अपडेटेड सिंगल-सीटसह नवीन फ्लॅट फूटबोर्ड मिळतो. याशिवाय स्कूटरमध्ये रिव्हर्स मोड, साइड स्टँड अलर्ट, इको आणि स्पोर्ट्स मोड, म्युझिक प्लेबॅक आणि ३४ लीटर बूट स्पेस यांसारखी वैशिष्ट्ये आहेत.

न्यूज अनकट प्रतिनिधी – सुरज गायकवाड