ओला स्कूटर 10 हजार रुपयांनी महागली, जाणून घ्या कोणत्या राज्यात किती किंमत?

पुणे, 23 मे 2022: ओला स्कूटरची पर्चेज विंडो पुन्हा एकदा उघडली आहे, परंतु यासोबतच Ola S1 Pro च्या किमतीत 10,000 रुपयांची वाढ झाली आहे. गेल्या वर्षी 15 ऑगस्ट रोजी ही इलेक्ट्रिक स्कूटर लॉन्च केल्यानंतर कंपनीने पहिल्यांदाच किंमत वाढवली आहे.

आता एवढ्या किमतीत मिळणार Ola S1 Pro

Ola S1 Pro ची किंमत 10,000 रुपयांनी वाढवल्यानंतर आता ती 1,39,999 रुपयांवर गेली आहे. कंपनीने आपल्या एंट्री लेव्हल Ola स्कूटर Ola S1 च्या किंमतीत बदल केलेला नाही. या नवीन किमतीमध्ये राज्यांकडून आणखी FAME-2 सबसिडी समाविष्ट आहे.

राज्यांतील किमती

किमतीत बदल झाल्यानंतर ओला स्कूटरच्या किमती राज्यानुसार बदलतील. आता दिल्लीत Ola S1 ची किंमत 85,099 रुपये आणि Ola S1 Pro ची किंमत 1,20,149 रुपये असेल. गुजरातमध्ये Ola S1 ची किंमत 79,999 रुपये आणि Ola S1 Pro ची किंमत 1,19,999 रुपये असेल, महाराष्ट्रात Ola S1 ची किंमत 94,999 रुपये आणि Ola S1 Pro ची किंमत 1,29,999 रुपये आणि राजस्थानमध्ये 89,968 रुपये आणि Ola S1 Pro ची किंमत 1,29,100 रुपये असेल. त्याच वेळी, देशातील इतर राज्यांमध्ये, Ola S1 ची किंमत 99,999 रुपये आणि Ola S1 Pro ची किंमत 1,39,999 रुपये असेल.

ओला स्कूटरची परचेज विंडो 21 मे पासून खुली झाली आहे (Ola Scooter Purchase Window Open). कंपनीने तिसऱ्यांदा स्कूटरच्या खरेदीची विंडो उघडली आहे. ही स्कूटर 2,999 रुपयांच्या मासिक हप्त्यावर देखील खरेदी केली जाऊ शकते.

न्यूज अनकट प्रतिनिधी: ईश्वर वाघमारे