ओमिक्रॉनवर लस किती प्रभावी, नवीन लाट रोखण्यासाठी काय योजना?

पुणे, १ डिसेंबर २०२१ : ओमिक्रॉन प्रकाराबाबत जगभरात तणाव वाढला आहे, जागतिक आरोग्य संघटनेने कोरोनाच्या नवीन प्रकाराबाबत आधीच इशारा दिला आहे, WHO ने याला ‘व्हेरिएंट ऑफ कन्सर्न’ म्हटले आहे. दक्षिण आफ्रिकेत हा प्रकार सापडल्यानंतर संपूर्ण जगात पुन्हा एकदा निर्बंधांची नवी फेरी सुरू झाली आहे.

प्रवासावरील निर्बंधांपासून ते सीमा सीलपर्यंतच्या निर्बंधांचा यात समावेश आहे. त्याच वेळी, या सर्वांमध्ये सर्वात मोठा प्रश्न हा आहे की सध्याची लस ओमिक्रॉन प्रकारावर काम करेल का? हा प्रश्न देखील आहे कारण हाँगकाँगमधील दोन लोकांमध्ये ओमिक्रॉनचे प्रकार आढळून आले आहेत, त्या दोघांना फायझरची लस दिली गेली होती. ओमिक्रॉन प्रकाराबद्दल लस निर्माते काय करत आहेत ते सविस्तरपणे बघुयात.

फायझर लस

अमेरिकन औषध कंपनी फायझरचे सीईओ अल्बर्ट बोरला यांनी सांगितले की, फायझरने ओमिक्रॉन प्रकाराची तयारी सुरू केली आहे. याबद्दल बोलताना त्यांनी सांगितले की, त्यांच्या कंपनीने नवीन प्रकाराची चाचणी सुरू केली आहे. जेणेकरून ते या प्रकाराविरुद्ध प्रभावी आहे की नाही हे कळू शकेल. त्याच वेळी, अल्बर्ट बोरला यांनी आशा व्यक्त केली की फायझरची अँटीव्हायरल पिल देखील ओमिक्रॉनच्या विरोधात प्रभावी ठरेल.

मॉडर्ना लस

मॉडर्ना लस ने सांगितले की ते नवीन प्रकारासाठी बूस्टर शॉट तयार करत आहेत. या संदर्भात मॉडर्नाचे मुख्य वैद्यकीय अधिकारी पॉल बर्टन यांनी सांगितले की – ज्यांना ही लस मिळाली आहे, ते अजूनही सुरक्षित आहेत. अशा परिस्थितीत ज्या लोकांना लस मिळालेली नाही, त्यांना कोविडची लस घेण्याचा सल्ला दिला जात आहे.

जॉन्सन अँड जॉन्सन लस

दरम्यान, जॉन्सन अँड जॉन्सनने देखील ओमिक्रॉन प्रकारासाठी विशेष लस तयार करण्यास सुरुवात केली आहे.

एस्ट्राजेनका

स्वीडिश आणि यूके स्थित एस्ट्राजेनका ने सांगितले की ते ओमिक्रॉन प्रकार बी .१.१ च्या प्रभावाचा विचार करत आहे. कंपनीने आशा व्यक्त केली आहे की त्यांच्या लसीतील औषध या प्रकाराविरूद्ध प्रभावी ठरेल. कंपनीने असेही म्हटले आहे की, ते सध्या AZD7442 अँटीबॉडी कॉम्बिनेशनची नवीन कोरोना प्रकारावर चाचणी करत आहेत. यात विषाणूविरूद्ध दोन शक्तिशाली अँटीबॉडीज आहेत.

स्पुतनिक व्ही

रशियन डायरेक्ट इन्व्हेस्टमेंट फंड (RDIF) ने गमलेया सेंटरने बनवलेली स्पुतनिक लस ओमिक्रॉन प्रकाराविरूद्ध प्रभावी असल्याचे दर्शविले आहे. तथापि, असा दावाही करण्यात आला आहे की ते या नवीन प्रकारासाठी बूस्टर डोस देखील बनवत आहेत. आरडीआयएफने असेही म्हटले आहे की त्यांनी ओमिक्रॉन प्रकाराविरूद्ध स्पुतनिक लसीची नवीन आवृत्ती बनवण्यास सुरुवात केली आहे. ४५ दिवसांच्या आत, स्पुतनिक लसीची ओमिक्रॉन आवृत्ती मोठ्या प्रमाणावर लोकांसमोर येईल. २० फेब्रुवारी २०२२ पर्यंत ३ अब्ज म्हणजेच ३०० कोटी लसीचे डोस तयार केले जातील असा दावाही करण्यात आला आहे.

नोव्हावॅक्स

लस निर्मात्या नोव्हावॅक्सनेही दावा केला आहे की कोविड-१९ चे नवीन प्रकार पाहता ते नवीन लस बनवत आहे. लस लवकरच तयार केली जाईल.

इनोव्हिओ

इनोव्हिओ फार्मासिटिकल ने म्हटले आहे की त्यांनी त्यांच्या INO-४८०० या लसीची नवीन प्रकारावर चाचणी सुरू केली आहे. चाचणी पूर्ण होण्यासाठी सुमारे २ आठवडे लागतील. कंपनीने आशा व्यक्त केली आहे की INO-४८०० दक्षिण आफ्रिकेत आढळणाऱ्या प्रकारांच्या विरोधात काम करेल. कंपनीचे वरिष्ठ उपाध्यक्ष केट ब्रॉडेरिक यांनी ही माहिती दिली.

न्यूज अनकट प्रतिनिधी : ईश्वर वाघमारे