चंद्रपूर, २८ मार्च २०२३: चंद्रपूर येथे जंगलात सरपण गोळा करण्यासाठी गेलेल्या एका व्यक्तीचा वाघाच्या हल्ल्यात मृत्यू झाल्याची घटना उघडकीस आली. भजन अंनत पारई (वय ५०) रा. अष्टभुजा वॉर्ड, चंद्रपूर असं मृत व्यक्तीचं नाव आहे. चंद्रपूर शहरातील अष्टभुजा वॉर्डातील भजन पारई हे मोलमजुरी करून आपल्या परिवाराचा सांभाळ करत होते.
जंगलात सरपण गोळा करण्यासाठी एमईएल लगतच्या आवारात गेले होते. बराच वेळ घरी परत न आल्याने जंगलात त्यांचा शोध घेतला असता त्यांच्या शरीराचे काही अवयव आढळून आले. वनविभागाने अधिक तपास केला असता वाघाच्या हल्ल्यात त्यांचा मृत्यू झाल्याचं निष्पन्न झालं.
घटनेनंतर आमदार किशोर जोरगेवार यांनी भंजन यांच्या कुटुंबीयांची भेट घेतली. त्यांनी त्यांच्या कुटुंबाला आर्थिक मदत जाहीर केली, तसेच शासनातर्फे मिळणारी आर्थिक मदत लवकर मिळावी यासाठी शासकीय प्रक्रिया जलद गतीने पूर्ण करण्याच्या सूचना वन विभागाच्या अधिकाऱ्यांना दिल्या आहेत. यावेळी वनपरिक्षेत्र अधिकारी राहुल कारेकर, यंग चांदा ब्रिगेडचे शहर संघटक विश्वजीत शाह, अमोल शेंडे उपस्थित होते.
न्यूज अनकट प्रतिनिधी: अमोल बारवकर
