Oppo चा नवीनतम 5G स्मार्टफोन लॉन्च, 19GB RAM, जाणून घ्या किंमत आणि फीचर्स

पुणे, 12 जुलै 2022: Oppo A97 5G लाँच झाला आहे. हा स्मार्टफोन दोन रंगांच्या पर्यायांमध्ये लॉन्च करण्यात आला आहे. ओप्पोच्या या लेटेस्ट ए-सीरीज स्मार्टफोनमध्ये ड्युअल रियर कॅमेरा सेटअप देण्यात आला आहे. त्याचा रिफ्रेश दर 90Hz आहे आणि त्यात Mediatek Dimensity 810 प्रोसेसर आहे.

हा डिवाइस फक्त 12GB रॅम आणि 256GB स्टोरेज पर्यायामध्ये लॉन्च करण्यात आला आहे. यामध्ये रॅम वाढवण्याचा पर्याय आहे. ज्यामुळे इनबिल्ट मेमरीच्या मदतीने रॅम 19GB पर्यंत वाढवता येते. यात 33W फ्लॅश चार्जिंगसाठीही सपोर्ट आहे. भारतात कधी लॉन्च होणार हे स्पष्ट नाही.

Oppo A97 5G चे स्पेसिफिकेशन्स

ड्युअल नॅनो सिमवर चालणारा Oppo A97 5G Android 12-besed ColorOS 12 सह येतो. यात 6.66-इंचाची फुल-एचडी स्क्रीन आहे. त्याचा रीफ्रेश रेट 90Hz आहे. यात AI-पावर्ड स्मार्ट आय प्रोटेक्शन फीचर आहे.

या स्मार्टफोनमध्ये 12GB रॅमसह octa-core Mediatek Dimensity 810 प्रोसेसर आहे. आधी सांगितल्याप्रमाणे, व्हर्च्युअल इनबिल्ट मेमरीच्या मदतीने ती 19GB पर्यंत वाढवता येते.

फोटोग्राफीबद्दल बोलायचे झाले तर या स्मार्टफोनच्या मागील बाजूस ड्युअल कॅमेरा सेटअप देण्यात आला आहे. त्याचा प्रायमरी कॅमेरा 48-मेगापिक्सलचा आहे. त्याच्या फ्रंटला सेल्फी आणि व्हिडिओ कॉलसाठी 12-मेगापिक्सेल सेन्सर आहे.

हा फोन 256GB ऑनबोर्ड स्टोरेजसह येतो. कनेक्टिव्हिटीसाठी, यात 5G, 4G LTE, वाय-फाय, ब्लूटूथ, 3.5 मिमी ऑडिओ जॅक आणि यूएसबी टाइप-सी पोर्ट आहे. यात साइड माउंटेड फिंगरप्रिंट सेन्सर आहे. यात 33W फ्लॅश चार्जिंग सपोर्टसह 5,000mAh बॅटरी आहे.

Oppo A97 5G किंमत आणि उपलब्धता

Oppo A97 5G सध्या चीनमध्ये लॉन्च करण्यात आला आहे. या फोनची किंमत CNY 1,999 (जवळपास 23,600 रुपये) ठेवण्यात आली आहे. ही किंमत फक्त 12GB रॅम आणि 256GB स्टोरेज व्हेरिएंटसाठी आहे. हे चीनी ई-कॉमर्स साइट JD.com वर लिस्ट केले गेले आहे. भारतात लाँच करण्याबद्दल कोणतीही माहिती देण्यात आलेली नाही. हा फोन डीप सी ब्लू आणि क्वाइट नाईट ब्लॅक कलर ऑप्शनमध्ये लॉन्च करण्यात आला आहे.

न्यूज अनकट प्रतिनिधी: ईश्वर वाघमारे