इम्रान खानच्या डावासमोर विरोधक ‘क्लीन बोल्ड’, आज सर्वोच्च न्यायालयाकडे सर्वांच्या नजरा

इस्लामाबाद, 5 एप्रिल 2022: अखेर पाकिस्तानचे पंतप्रधान इम्रान खान यांच्या बाऊन्सरने विरोधी पक्ष क्लीन बोल्ड झाला. आधी संसदेत अविश्वास ठराव फेटाळून विरोधकांची स्वप्ने उडाली, मग राष्ट्रपतींनी संसद विसर्जित करून निवडणुकीच्या तारखा जाहीर केल्या. विरोधकांसाठी एकच आशा सर्वोच्च न्यायालयाकडून उरली असून, तेथे आता मंगळवारी सुनावणी होणार आहे.

इम्रान सरकारविरोधातील अविश्वास प्रस्ताव फेटाळणे आणि संसद बरखास्त करण्याच्या प्रकरणी सर्वोच्च न्यायालयात सोमवारी दुपारी 2.15 वाजता सुनावणी सुरू झाली. यावेळी बिलावल भुट्टो यांच्या पक्षाचे वकील फारुख नाईक यांनी पूर्ण खंडपीठ स्थापन करण्याची मागणी केली. त्यावर, पाच न्यायाधीशांच्या खंडपीठाने बिलावलच्या वकिलाला खडसावले आणि खंडपीठावर प्रश्न उपस्थित केल्यास सुनावणी थांबवण्यात येईल, असे सांगितले.

सुमारे तासभर चाललेल्या सुनावणीदरम्यान कोर्टाने सांगितले की, संसद बरखास्त करण्याचा आदेश बाजूला ठेवण्याचा अधिकार स्पीकरला आहे. तथापि, काही वेळानंतर सरन्यायाधीश उमर अता बंदियाल यांनी उपसभापतींच्या कृतीचा सर्वोच्च न्यायालय आढावा घेईल, असे सांगत या प्रकरणाची सुनावणी आजसाठी तहकूब केली.

इम्रान खान यांच्या अविश्वास प्रस्तावाला परकीय षड्यंत्र म्हणत, विरोधी पक्षाचे नेते बिलावल भुट्टो यांनी आरोप केला की इम्रान यांनी उपसभापतीसह संविधानाचा अवमान केला.

सर्वोच्च न्यायालय इम्रान खान यांच्यावर उघडपणे राज्यघटनेविरुद्ध बंड केल्याबद्दल खटला चालवेल आणि कलम 370 अन्वये शिक्षा देईल, या आशेवर बिलावत भुट्टो आणि शाहवाझ शरीफ बसले आहेत. विरोधकांची ही मागणी पूर्ण करणे तितके सोपे नाही कारण, अशाच एका आरोपात माजी लष्करप्रमुख जनरल परवेझ यांना आजपर्यंत कलम 6 अंतर्गत कोणतीही शिक्षा झालेली नाही.

एकंदरीत संसदेपासून ते सर्वोच्च न्यायालयापर्यंत विरोधक ओरडत राहिले, पण कोणी ऐकले नाही. विरोधी पक्षांचे नेते आजच्या म्हणजे मंगळवारच्या तारखेची तयारी करत आहेत आणि दुसरीकडे इम्रान पुढील निवडणुकीची रणनीती बनवत आहेत. संसद विसर्जित केल्यानंतर, इम्रान खान आता पुढील 15 दिवस काळजीवाहू पंतप्रधान होणार आहेत.

न्यूज अनकट प्रतिनिधी: ईश्वर वाघमारे