इस्लामाबाद, दि. १६ जून २०२०: हिट अँड रन प्रकरणात पाकिस्तानच्या इस्लामाबाद पोलिसांनी सोमवारी भारतीय उच्चायोगाच्या दोन अधिकाऱ्यांना अटक केली. नंतर त्यांना भारताच्या दबावामुळे सोडून देण्यात आले पण पाकिस्तानने कपटी कारस्थान करत भारतीय अधिकाऱ्यांवर खोटे आरोप केले. दोन्ही अधिकाऱ्यांविरुद्ध एफआयआरही दाखल करण्यात आला आहे. बनावट चलन असल्याचा आरोप एका अधिकाऱ्यावर करण्यात आला आहे. विएना करारा अंतर्गत हे प्रकरण बंद करण्यात आले आहे पण या घटनेनंतर पाकिस्तानची घाणेरडी मानसिकता चव्हाट्यावर आली आहे. भारताचे दोन्ही अधिकारी सीआयएसएफचे आहेत.
सूत्रांच्या माहितीनुसार भारतीय अधिका्यांवर अत्याचार केल्याच्या बातम्याही आहेत. भारतीय उच्चायोगाच्या बीएमडब्ल्यू कारचेही नुकसान झाले आहे. पाकिस्तान पोलिसांचा असा दावा आहे की या घटनेनंतर अधिकारी पळून जाण्याचा प्रयत्न करीत असताना जवळच्या लोकांनी त्यांच्यावर हल्ला केला. भारतीय अधिकारी एस. पॉल आणि डी. ब्रह्मु यांची वैद्यकीय तपासणी केली जाईल.
पाकिस्तानमधील दोन्ही भारतीय अधिकाऱ्यांचे काय झाले याचा तपशील अद्याप समोर आलेला नाही. परंतु जेव्हा सोमवारी सकाळी अधिकृत कामावर निघालेल्या दोन कर्मचार्यांशी भारतीय उच्चायोग संपर्क साधू शकले नाहीत, तेव्हा चिंतेत भर पडली. इस्लामाबादमधील भारतीय उच्चायोग आणि नवी दिल्लीतील भारतीय परराष्ट्र मंत्रालयाने दोन्ही भारतीय कर्मचार्यांचे प्रकरण पाकिस्तानसमोर उभे केले. दोन्ही अधिकारी सीआयएसएफशी संबंधित आहेत, त्यामुळे त्यांना डिप्लोमैटिक इम्युनिटी मिळाली नाही.
या घटनेनंतर भारतातील पाकिस्तान मिशनचे प्रभारी, उच्चायुक्त प्रभारी सय्यद हैदर शाह यांना समन्स बजावले गेले. सय्यद हैदर शाह यांच्यासमोर भारताने तीव्र नाराजी व्यक्त केली. सूत्रांनी सांगितले आहे की सय्यद हैदर शहा यांनी भारतीय परराष्ट्र मंत्रालयासमोर हे सांगितले नाही की हिट अँड रन प्रकरणात दोन्ही भारतीय जवानांना अटक करण्यात आली आहे, असा दावा तेथील माध्यमांनी केला आहे. भारतीय मिशनचे दोन्ही कर्मचारी सीआयएसएफचे आहेत. त्यापैकी एक ड्रायव्हर आहे, म्हणजे तो डिप्लोमॅट नाही, म्हणून त्याला डिप्लोमैटिक इम्युनिटी मिळाली नाही. परंतु इस्लामाबाद आणि नवी दिल्ली या दोन्ही ठिकाणी पाकिस्तानसमोर भारताने भारतीय मिशनच्या दोन्ही कर्मचाऱ्यांचा मुद्दा उपस्थित केला. इस्लामाबादमधील भारतीय उच्चायोग म्हणाले की, हे प्रकरण पाकिस्तानच्या परराष्ट्र मंत्रालयासमोर ठेवण्यात आले होते.
न्यूज अनकट प्रतिनिधी
