नवी दिल्ली, ८ एप्रिल २०२२: भारताचा शेजारी देश पाकिस्तानमध्ये राजकीय पेच वाढला आहे. पाकिस्तानच्या सर्वोच्च न्यायालयाने नॅशनल असेंब्लीच्या डेप्युटी स्पीकरचा अविश्वास प्रस्ताव फेटाळण्याचा निर्णय बाजूला ठेवला आहे. अशा स्थितीत आता शुक्रवारी इम्रान खान सरकारविरोधातील अविश्वास प्रस्तावावर मतदान होणार आहे. या सगळ्यात भारताने पाकिस्तानच्या राजकीय पेचप्रसंगाला अंतर्गत बाब म्हणून प्रतिक्रिया देण्यास नकार दिला.
भारतीय परराष्ट्र मंत्रालयाचे प्रवक्ते अरिंदम बागची म्हणाले की, हा पाकिस्तानचा अंतर्गत मामला आहे. आम्ही यावर भाष्य करू इच्छित नाही. मात्र आम्ही परिस्थितीवर लक्ष ठेवून आहोत. वास्तविक, इस्लामाबादमध्ये सुरू असलेल्या राजकीय गोंधळाबाबत बागची यांना प्रश्न विचारण्यात आला होता.
इम्रान खान यांच्याविरोधात विरोधकांनी अविश्वास ठराव आणला. कलम ५ अन्वये नॅशनल असेंब्लीच्या डेप्युटी स्पीकरने तो फेटाळला. यानंतर इम्रान खान यांनी राष्ट्रपतींना संसद बरखास्त करण्याची शिफारस केली. राष्ट्रपतींनी संसद विसर्जित केली. यानंतर राष्ट्रपतींनी पाकिस्तानमध्ये काळजीवाहू सरकार स्थापनेची प्रक्रियाही सुरू केली. मात्र आता न्यायालयाने इम्रान खान यांना दणका देत त्यांना पुन्हा पंतप्रधानपदी बहाल करण्याचे आदेश दिले आहेत. तसेच ९ एप्रिल रोजी अविश्वास ठरावावर मतदान घेण्यास सांगितले आहे.
दुसरीकडे इम्रान खान यांनी आज मंत्रिमंडळाची बैठक बोलावली आहे. पक्षाच्या बैठकीतही ते सहभागी होणार आहेत. इम्रान यांनी शुक्रवारी देशाला संबोधित करणार असल्याचे सांगितले. ते म्हणाले, पाकिस्तानसाठी शेवटच्या चेंडूपर्यंत लढत राहतील.
न्यूज अनकट प्रतिनिधी: ईश्वर वाघमारे
