पीओकेमधील धरणाच्या प्रकल्पाचा निषेध करत लोक मुजफ्फराबादमध्ये रस्त्यावर

पीओके, दि. ७ जुलै २०२०: जगातील विविध भागात चीनविरूद्ध आवाज उठविला जात आहे. सोमवारी पाकिस्तान-व्याप्त काश्मीरमध्ये शेकडो लोकांनी चीनच्या विरोधात निषेध व्यक्त केला आणि पाक सरकारचा यात सहभाग असल्याचा आरोप केला. येथे मुझफ्फराबादमध्ये चीन आणि पाकिस्तान यांनी संयुक्तपणे बनवलेल्या धरण प्रकल्पाचा विरोध केला जात आहे.

पाकिस्तान सरकार मुझफ्फराबादमधील झेलम आणि नीलम नद्यांजवळ चीनच्या मदतीने धरणे बांधत आहे. परंतु मुझफ्फराबादमधील रहिवाश्यांचे म्हणणे आहे की त्यांना याबद्दल कोणतीही माहिती नाही, तसेच त्यांना काहीही विचारण्यात आलेले नाही.

पीओकेच्या रहिवाशांचा आरोप आहे की पाकिस्तान सरकारने केवळ पैशांसाठी चीनबरोबर ही धरणे बांधण्याचा करार केला आहे, ज्यामध्ये पीओकेच्या लोकांना कोणताही फायदा झाला नाही किंवा त्यांचा सल्ला घेण्यात आला नाही.

पीओकेमध्ये पाकिस्तान आणि चीनविरूद्ध आवाज उठवण्याची ही पहिली वेळ नाही. यापूर्वीही पीओकेचे लोक चीनने बनवलेल्या वन बेल्ट वन रोड प्रकल्पाला विरोध करत आहेत. वस्तुतः कोरोना संकटानंतर चीन ज्या प्रकारे जगात वेगळा पडला आहे आणि त्यानंतर भारताशी झालेल्या संघर्षामुळे बरीच मोठी राष्ट्रे त्याच्या विरोधात गेली आहेत. यामुळे पाकिस्तानमध्ये आता दहशत निर्माण झाली. पाकिस्तानच्या परराष्ट्र विभागाने पंतप्रधान इम्रान खान यांना एक अहवाल सादर केला असून पाकिस्तानच्या चीन धोरणावर विचार करण्यास सांगितले आहे.

न्यूज अनकट प्रतिनिधी