फायझर आणि जर्मन कंपनीची लस तयार, ९० टक्के प्रभावी

वॉशिंग्टन, १० नोव्हेंबर २०२०: अमेरिकेतील दिग्गज फार्मास्युटिकल कंपनी फायझर आणि जर्मन बायोटेक फर्म बायोनोटॅक यांनी दावा केला आहे की कोरोना विषाणूच्या उपचारात त्यांची लस ९० टक्क्यांहून अधिक प्रभावी आहे. या कंपन्यांचं म्हणणं आहे की ज्यांची कोरोनाची लक्षणं आधीच दिसत नव्हती अशा लोकांवर उपचार करण्यात त्यांची लस यशस्वी ठरली आहे. त्याचबरोबर नुकतीच अमेरिकेच्या अध्यक्षीय निवडणुकीत विजयी झालेल्या जो बिडेन आणि ब्रिटीश पीएम बोरिस जॉनसन यांनीही या लसीच्या यशाचं स्वागत केलं आहे आणि कोरोना लसीच्या यशस्वी चाचणीबद्दल आनंद व्यक्त केला आहे.

फायझरचे अध्यक्ष व मुख्य कार्यकारी अधिकारी डॉ. अल्बर्ट बाउर्ला यांनी हे सांगितलं आणि ते म्हणाले, ‘आजचा दिवस मानवता आणि विज्ञानासाठी खूप महत्वाचा आहे. आमच्या कोविड -१९ लसीच्या तिसऱ्या टप्प्यातील चाचणीच्या निकालांच्या पहिल्या संचामध्ये कोविड -१९ विषाणू थांबविण्याच्या आमच्या लसीच्या क्षमतेबद्दल प्राथमिक पुरावे दर्शविले गेले आहेत.’ डॉ. अल्बर्ट म्हणाले की लस विकास कार्यक्रमातील हे यश अशा वेळी आलं आहे जेव्हा संपूर्ण जगाला या लसीची आवश्यकता आहे आणि संसर्गाचं प्रमाण नवीन विक्रम स्थापित करीत आहे. ते म्हणाले की संसर्गाची परिस्थिती अशी आहे की रूग्णालयांमध्ये क्षमतेपेक्षा जास्त रुग्ण पोहोचत आहेत आणि अर्थव्यवस्था ढासळत आहे.

तथापि, या लसीची चाचणी १६४ पुष्टी झालेली प्रकरणे होईपर्यंत सुरू राहतील. म्हणून त्याचा प्रभाव दर बदलण्याची शक्यता आहे. तथापि, संसर्ग रोखण्यासाठी ९० टक्के प्रभावी शोध जोरदार प्रोत्साहित करणारा आहे. लसीच्या तिसर्‍या टप्प्यातील चाचणीत ४३ हजाराहून अधिक लोक सामील आहेत. जगभरात कोरोना विषाणूची प्रकरणं आता ५ कोटी सात लाखांच्या पार गेली आहे, तर मृतांची संख्या १२ लाख ६२ हजारांच्या वर गेली आहे.

दरम्यान, ब्रिटीश वृत्तपत्र द मेलच्या वृत्तानुसार, या महिन्याच्या अखेरीस या लसीचं वितरण देशात सुरू होऊ शकतं. सुरुवातीला ८० वर्षांपेक्षा जास्त वयाचे आणि फ्रंटलाईन वर्कर्स यांना लस दिली जाईल. तर ऑस्ट्रेलियानं अ‍ॅस्ट्रॅजेनेका नावाच्या कोविड -१९ या लसीचं उत्पादन सुरू करण्याची घोषणा केली आहे. ऑक्सफोर्ड विद्यापीठाच्या मदतीनं ही लस तयार केली गेली आहे. लक्षावधी लस यापूर्वी तयार केल्या असूनही त्या चाचणी म्हणून सुरुवातीला वापरल्या जातील.

न्यूज अनकट प्रतिनिधी: ईश्वर वाघमारे