फिलिपिन्समधील टॅगयतेय शहरात टाल ज्वालामुखी उद्रेक

फिलिपिन्स: फिलिपिन्समधील बटंगस प्रांतातील टॅगयतेय शहरात असणारा टाल ज्वालामुखी रविवारी फुटला. हे इतके भयानक दृश्य होते की आजूबाजूच्या शहरातील लोक घाबरून गेले. या ज्वालामुखीचा उद्रेक झाल्यानंतर सुमारे ५० हजार फूट उंच राखेचा ढग तयार झाला. राखेचा लोळ इतका विद्युत प्रभारित होता की त्याने आकाशातून तीन ते चार वेळा वीज कोसळली.

टाल ज्वालामुखीची राख ११० किलोमीटरवर फिलीपिन्सची राजधानी मनिला येथे पोहोचते. ज्वालामुखीचा भडका उडाल्यानंतर संपूर्ण भागात भूकंपाचे ७५ हून अधिक धक्के बसले. भूकंप, राख व हवामानाचा धोका टाळण्यासाठी २५३४ हून अधिक कुटुंबांना स्थलांतरित करण्यात आले आहे.

१९७७ पासून ताल ज्वालामुखी अधून मधून फुटत आहे. यावेळी ते ४४ व्या वेळी फुटले आहे. रविवारी पहाटे ४.३३ वाजता ज्वालामुखीचा विस्फोट झाल्यापासून आजूबाजूच्या भागात ७५ वेळा भूकंपाचे धक्के जाणवले. रिश्टर स्केलवर सर्वात शक्तिशाली धक्क्याचा अंदाज ६ आहे.

फिलिपिन्सची राजधानी मनिलाच्या आंतरराष्ट्रीय विमानतळावरून गेल्या २४ तासांत २४२ उड्डाणे रद्द करण्यात आली आहेत. सध्या या विमानतळावरून सर्व उड्डाणे थांबविण्यात आल्या आहेत. कारण अडीच इंच व्यासापर्यंत लावा, दगड, राख ढगातून पडत आहेत. हे दगड गोल्फ बॉलपेक्षा मोठे आहेत. जर त्यांनी एखाद्या माणसाला, वाहनला किंवा विमानाला धडक दिली तर ते प्राणघातक ठरू शकते.

फिलीपींस इंस्टीट्यूट ऑफ वॉल्कैनेलॉजी एंड सीसमोलॉजी ने ज्वालामुखीमुळे सतर्कतेची पातळी ४ पर्यंत वाढविली आहे, म्हणजे एक अतिशय धोकादायक परिस्थिती. येत्या काही दिवस ज्वालामुखीमुळे आणखी नुकसान होण्याची शक्यता असल्याचे दिसत आहे त्यामुळे हा इशारा देण्यात आला आहे.