महाराष्ट्रात कंत्राटी भरतीवरून राजकारण तापले, महाविकास आघाडीविरोधात भाजपचे ‘माफी आंदोलन’ सुरू

पुणे, २१ ऑक्टोंबर २०२३ : गेल्या अनेक दिवसांपासून महाराष्ट्रात कंत्राटी भरतीचा मुद्दा तापला आहे. सरकार आणि विरोधक याबाबत अनेक विधाने करत आहेत. नुकतीच महाराष्ट्राचे उपमुख्यमंत्री देवेंद्र फडणवीस यांनी कंत्राटी भरती रद्द केल्याची घोषणा केली. या कंत्राटी भरतीबाबत आता भाजपचे प्रदेशाध्यक्ष चंद्रशेखर बावनकुळे यांनी महाविकास आघाडीवर जोरदार हल्लाबोल केला आहे.

महाविकास आघाडी, महाराष्ट्र सरकारवर कंत्राटी भरतीचा आरोप करत आहे, त्यामुळे जनतेची दिशाभूल होतेय. कंत्राटी भरतीप्रकरणी महाविकास आघाडी आणि उद्धव बाळासाहेब ठाकरे सरकारच दोषी असल्याचा भाजपचा आरोप आहे. याच्या निषेधार्थ भाजपतर्फे आज कोल्हापुरातील बिंदू चौकात आंदोलन करण्यात आले. कोल्हापूर व्यतिरिक्त भाजपने अकोल्यात तसेच पुण्यातही महाविकास आघाडीच्या विरोधात ‘माफीनामा आंदोलन’ केले.

महाराष्ट्रातील जनतेसमोर नाक घासण्यासाठी आणि कंत्राटी भरतीच्या पापाबद्दल महाराष्ट्राची माफी मागण्यासाठी भाजपने उद्धव ठाकरे, शरद पवार आणि नाना पटोले, माविया यांचे पुतळे जाळून निषेध नोंदवला. मविआने माफी न मागितल्यास महाराष्ट्रभर आंदोलन करू, असा इशारा भाजप प्रदेशाध्यक्ष चंद्रशेखर बावनकुळे यांनी महाविकास आघाडीला दिला.

न्यूज अनकट प्रतिनिधी : सूरज गायकवाड