प्रतिभा पाटील यांच्यानंतर अशी कामगिरी करणाऱ्या जगातील दुसऱ्या महिला राष्ट्रपती
आसाम, ८ एप्रिल २०२३: राष्ट्रपती द्रौपदी मुर्मूं यांनी आज आसाममधील तेजपूर एअर फोर्स स्टेशनवरून सुखोई ३० एमकेआय लढाऊ विमानातून उड्डाण केले. मुर्मु यांच्या आधी २००९ मध्ये देशाच्या १२ व्या राष्ट्रपती प्रतिभाताई पाटील यांनी सुखोई मधून पहिले उड्डाण केले होते.
भारतीय वायुदलाचे सुखोई हे एक महत्त्वाचे विमान मानले जाते. या विमानातून राष्ट्रपती द्रौपदी मुर्मूं यांनी आज सकाळी उड्डाण केले आहे. यावेळी त्या वायुदल पायलटच्या गणवेशात दिसून आल्या. याआधी प्रतिभा पाटील यांनी सुखोई विमानातून उड्डाण करून दोन विश्वविक्रम केले होते . त्या सुखोई उडवणाऱ्या पहिल्या महिला राष्ट्रपती होत्या. तर दुसरा देशातील सर्वांत वृद्ध महिला होत्या. तेव्हा प्रतिभाताई पाटील ७४ वर्षांच्या होत्या. त्यांचे नाव गिनीज बुकमध्येही नोंदवले गेले आहे. त्यांच्या आधी डॉ.एपीजे अब्दुल कलाम यांनी राष्ट्रपती असताना ८ जून २००६ रोजी सुखोई विमान उडवले होते. असे करणारे ते देशाचे पहिले राष्ट्रपती होते. त्यांच्या पाठोपाठ प्रतिभाताई पाटील यांनी सुखोई मधून उड्डाण भरले होते. तर आता द्रौपदी मुर्मूं या तिसऱ्या राष्ट्रपती ठरल्या आहेत.
न्यूज अनकट प्रतिनिधी: अमोल बारवकर
