श्रीलंका, 9 जुलै 2022: श्रीलंकेतील आर्थिक परिस्थितीमुळे त्रस्त झालेल्या आंदोलकांनी शनिवारी राष्ट्रपती गोटाबाया राजपक्षे यांच्या निवासस्थानाला वेढा घातला. राष्ट्रपती राजपक्षे यांनी त्यांच्या निवासस्थानातून पळ काढल्याचे वृत्त आहे. संरक्षण सूत्रांनी अध्यक्ष राजपक्षे यांच्या पलायनाचा दावा केला आहे. याआधी 11 मे रोजी तत्कालीन पंतप्रधान महिंदा राजपक्षे संपूर्ण कुटुंबासह पळून गेले होते. संतप्त जमावाने राजपक्षे यांच्या कोलंबो येथील शासकीय निवासस्थानाला वेढा घातला.
दुपारी आंदोलकांनी कोलंबोतील राष्ट्रपती निवासस्थानाला घेराव घातल्याचे सांगण्यात येत आहे. यानंतर आंदोलकांनी राजपक्षे यांच्या शासकीय निवासस्थानाचीही तोडफोड केली. श्रीलंकेतील ढासळत चाललेल्या आर्थिक संकटादरम्यान, राष्ट्रपती गोटाबाया राजपक्षे यांच्या राजीनाम्याच्या मागणीसाठी आज सरकारी निषेध रॅली निघत आहे.
श्रीलंकेत शुक्रवारी अनिश्चित काळासाठी संचारबंदी लागू करण्यात आली. लष्करालाही हाय अलर्टवर ठेवण्यात आले आहे. पोलिस प्रमुख चंदना विक्रमरत्ने यांनी सांगितले की, राजधानी आणि आसपासच्या भागात शुक्रवारी रात्री 9 वाजल्यापासून संचारबंदी लागू करण्यात आली आहे. ते म्हणाले की, राष्ट्रपतींना सत्तेवरून हटवण्यासाठी हजारो सरकारविरोधी निदर्शक शुक्रवारी कोलंबोमध्ये दाखल झाले होते, त्यानंतर कर्फ्यूचा निर्णय घेण्यात आला.
शुक्रवारी कर्फ्यू लागू करण्यापूर्वी पोलिसांनी कोलंबोमध्ये विद्यार्थी आंदोलकांवर अश्रुधुर आणि पाण्याच्या तोफांचा मारा केला. सरकारविरोधी आंदोलनात धार्मिक नेते, राजकीय पक्ष, शिक्षक, शेतकरी, डॉक्टर, मच्छीमार आणि सामाजिक कार्यकर्ते सहभागी असल्याचे सांगण्यात येत आहे.
खासदाराने स्वतःवर गोळी झाडली
10 मे रोजी सत्ताधारी पक्षाचे खासदार अमरकीर्ती अथुकोराला (श्रीलंका पोदुजाना पेरामुना) यांची हत्या झाली होती. मिळालेल्या माहितीनुसार, नितांबूवा येथे सरकारच्या विरोधात निदर्शने करत त्यांच्या गाडीला लोकांनी घेराव घातला. यावेळी खासदारांच्या एसयूव्ही कारमधून गोळीबार झाल्याचे लोकांनी सांगितले. यामुळे जमाव संतप्त झाला. त्यानंतर खासदार पळून गेले आणि हजारो लोकांनी वेढलेल्या इमारतीत लपले. त्यानंतर जमावाच्या भीतीने खासदाराने स्वतःच्या रिव्हॉल्वरने स्वतःवर गोळी झाडल्याचे बोलले जात आहे.
न्यूज अनकट प्रतिनिधी: ईश्वर वाघमारे
