भारतात स्पुतनिक व्ही लस चा पहिला डोस प्रदान,लसीकरणासाठी आणखीन एक पर्याय उपलब्ध

हैदराबाद, १५ मे २०२१: शुक्रवारी, भारतातील पहिल्या व्यक्तीला स्पुतनिक व्ही लस देण्यात आली. आतापर्यंत भारतात फक्त दोन लस (कोविशील्ड आणि कोव्हॅक्सिन) होती. स्पुतनिक व्ही कंपनीने ट्विट केले की स्पुतनिक व्हीचा पहिला डोस भारतात देण्यात आला. आम्हाला अभिमान आहे की कोरोनाविरुद्धच्या या लढाईत आम्ही त्याच्या पाठीशी उभे आहोत. स्पुतनिक व्ही ही एक रशियन-भारतीय लस आहे.

या लसीचा एक मोठा भाग भारतात तयार केला जाईल. यावर्षी भारतात ८५० मीलियन डोसचे म्हणजेच ८.५ कोटी डोस तयार होतील अशी अपेक्षा आहे. देशातील रशियन लस स्पुतनिक व्हीचा पहिला डोस दीपक सपरा यांना देण्यात आला आहे. दीपक डॉ रेड्डीज लॅब येथे कस्टम फार्मा सर्व्हिसेसचे ग्लोबल हेड आहेत. त्यांना हैदराबादमध्ये लसचा पहिला डोस देण्यात आला आहे.

सूत्रांच्या माहितीनुसार, रशियाच्या स्पुतनिक व्हीच्या दीड लाख डोस १ मे रोजी भारतात आल्या. प्रोटोकॉल अंतर्गत हिमाचल प्रदेशच्या कसौली येथील सेंट्रल ड्रग लॅबमध्ये १०० नमुने पाठविण्यात आले आहेत.

आतापर्यंत देशात फक्त कोव्हॅक्सिन आणि कोविशील्डसह लसीकरण मोहीम चालू आहे. केंद्र सरकार ही दोन्ही लस २५० रुपयांच्या किंमतीवर खरेदी करते परंतु या दोन्ही लस उत्पादकांनी खुल्या बाजारात आणि खासगी रुग्णालयांमध्ये वेगवेगळे भाव निश्चित केले आहेत.

सरकारी सुत्रांच्या म्हणण्यानुसार बाहेरून लस येण्याचे प्रोटोकॉल आहे. ज्यानुसार डीसीजीआय ने अंमलात आणले आहे, भारतात येणारी लसांची प्रत्येक खेप या प्रक्रियेमधून जाईल. ज्यामध्ये लसीचे वेगवेगळे पैलू मोजले जातात आणि त्यानंतरच लसचा वापर देशात केला जातो.

न्यूज अनकट प्रतिनिधी: ईश्वर वाघमारे