गॅलेक्सी दिनदर्शिकेचे फलटणमध्ये प्रकाशन

फलटण, १९ जानेवारी २०२३ :फलटण येथील गॅलेक्सी को ऑपरेटिव क्रेडिट सोसायटीचे संस्थापक अध्यक्ष युवा उद्योजक सचिन यादव व त्यांच्या सुविद्य पत्नी सुजाता यादव यांच्या हस्ते गॅलेक्सी दिनदर्शिकेचे प्रकाशन करण्यात आले. यावेळी संस्थेचे सर्व संचालक , सभासद ठेवीदार, पदाधिकारी व कर्मचारी तसेच के.बी. उद्योग समूहाचे व्यवस्थापकीय पदाधिकारी कर्मचारी उपस्थित होते.

यावेळी बोलताना संस्थेचे संस्थापक अध्यक्ष सचिन यादव म्हणाले की, अल्पावधीतच गॅलेक्सी को ऑपरेटिव्ह क्रेडिट सोसायटी सभासदांच्या विश्वासास पात्र ठरत असल्याने संस्था स्थापन केल्याचे समाधान मिळत आहे. तसेच गॅलेक्सी क्रेडिट सोसायटीच्या माध्यमातून सातत्याने विविध समाजोपयोगी उपक्रम राबवले जातात. सभासदांशी संवाद साधण्यासाठी हा एक उपयुक्त उपक्रम ठरत असल्याचेही त्यांनी यावेळी म्हटले आहे.

दरम्यान, दिनदर्शिका प्रकाशन सोहळ्याच्या कार्यक्रमाचे संयोजन संस्थेच्या कर्मचाऱ्यांनी केले होते. यावेळी या कार्यक्रमासाठी उपस्थित असलेल्या सर्व सभासदांना दिनदर्शिकेचे वाटप करण्यात आले. यावेळी संस्थेचे व्यवस्थापक धीरज जाधव यांनी उपस्थितांचे आभार मानले.

न्यूज अनकट प्रतिनिधी : आनंद पवार