राकेश झुनझुनवाला यांची या 46 शेअर्स मध्ये गुंतवणूक, जाणून घ्या प्रत्येक शेअरचे नाव

पुणे, 20 ऑक्टोंबर 2021: ज्येष्ठ गुंतवणूकदार राकेश झुनझुनवाला यांना शेअर बाजाराचा प्रदीर्घ अनुभव आहे. ते स्वतः सांगतात की त्यांनी फक्त 5000 रुपयांनी गुंतवणूक सुरू केली. आज, त्यांच्या पोर्टफोलिओमध्ये असे बरेच स्टॉक आहेत, ज्यांनी गेल्या काही वर्षांत बंपर परतावा दिला आहे.

गुंतवणूकदार राकेश झुनझुनवाला यांचे अनुसरण करतात, कारण कोणत्याही शेअरमध्ये गुंतवणूक करण्यापूर्वी राकेश झुनझुनवाला त्याच्या व्यवसायाचा बारकाईने अभ्यास करतात. एवढेच नाही तर जी कंपनी मुळात चांगली आहे, त्यात गुंतवणूक करतात.

राकेश झुनझुनवाला पोर्टफोलिओ स्टॉक:

राकेश झुनझुनवालाच्या पोर्टफोलिओमध्ये टाटा समूहाच्या अनेक कंपन्या आहेत. ज्यामध्ये त्यांनी मोठी रक्कम गुंतवली आहे. पूर्वी त्यांनी टाटा मोटर्स आणि टाटा कम्युनिकेशन्समधील गुंतवणूक वाढवली आहे. झुनझुनवाला यांची टाटा समूहाच्या 3 कंपन्यांमध्ये गुंतवणूक आहे. या व्यतिरिक्त, त्यांनी टाटा मोटर्स (DVR सामान्य) मध्ये देखील गुंतवणूक केली आहे.

राकेश झुनझुनवाला यांनी टाटा कम्युनिकेशन्समध्ये त्यांच्या पत्नी रेखा झुनझुनवाला यांच्या नावाने गुंतवणूक केली आहे. आता या कंपनीतील झुनझुनवाला यांचा हिस्सा 1.04% वरून 1.08% पर्यंत वाढला आहे. रेखा झुनझुनवाला यांच्याकडे टाटा कम्युनिकेशन्सचे 30,75,687 शेअर्स आहेत. राकेश झुनझुनवाला यांनी अनेक सरकारी कंपन्यांमध्ये गुंतवणूक केली आहे.

राकेश झुनझुनवाला यांचा टाटा मोटर्समध्ये 1.1% हिस्सा आहे. गेल्या काही दिवसांपासून टाटा मोटर्सच्या शेअर्समध्ये मोठी वाढ झाली आहे. झुनझुनवाला यांचे टाटा मोटर्समध्ये एकूण 3.77 कोटी शेअर्स आहेत. यासोबतच, राकेश झुनझुनवाला यांचा टाटा समूहाची कंपनी टायटनमध्ये 4.81% हिस्सा आहे. टायटनचे झुनझुनवाला यांच्या पोर्टफोलिओमध्ये एकूण 4.26 कोटी शेअर्स आहेत.

याव्यतिरिक्त Aptech Ltd. मध्ये राकेश झुनझुनवाला यांची सुमारे 23.7 टक्के हिस्सेदारी आहे. त्यांच्या पोर्टफोलिओमध्ये कंपनीच्या शेअर्सची संख्या 9,668,840 वर आली आहे. फोर्टिस हेल्थकेअरमधील राकेश झुनझुनवाला यांचा हिस्सा सप्टेंबर तिमाहीनुसार 4.3 टक्के होता. त्यांच्या पोर्टफोलिओमध्ये कंपनीचे 31,950,000 शेअर्स आहेत. 30 सप्टेंबरपर्यंत रेखा आणि राकेश झुनझुनवाला यांनी मिळून टेक फूड्स (Agro Tech Foods) मध्ये 2 टक्के भागभांडवल ठेवले होते.

राकेश झुनझुनवाला यांच्या पोर्टफोलिओमध्ये Man Infraconstruction, Lupin Ltd, Canara Bank, NALCO, Firstsource Solutions, Prakash Pipes, Orient Cement, Tarc Ltd, Anant Raj, NCC, Wockhardt, Autoline Industries Ltd., Bilcare Ltd, CRISIL Ltd, DB Realty Ltd, Delta Corp Ltd, Edelweiss Financial Services Ltd कंपन्या समाविष्ट आहे.

तसेच Escorts Ltd, Geojit Financial Services Ltd, Ion Exchange (India) Ltd, Jubilant Pharmova Ltd, Karur Vysya Bank Ltd, Multi Commodity Exchange Of India Ltd, Prakash Industries Ltd, Prozone Intu Properties Ltd, Rallis India Ltd, The Federal Bank Ltd और The Mandhana Retail Ventures Ltd मध्ये गुंतवणूक आहे.

न्यूज अनकट प्रतिनिधी: ईश्वर वाघमारे