मुंबई, ७ मार्च २०२१: चौथ्या कसोटीत इंग्लंडचा डाव २०५ धावांवर संपुष्टात आला. प्रत्युत्तरादाखल भारतीय संघाने पहिल्या डावात ३६५ धावांच्या डोंगर उभारत बाद झाला. दुसर्‍या डावात इंग्लंडचा डाव १३५ धावांवर संपुष्टात आला आणि भारताने २५ धावांनी सामना जिंकला.भारताने ही मालिका ३-१ ने जिंकली. विजयानंतर भारतीय संघाचे मुख्य प्रशिक्षक रवी शास्त्री यांनी आपले मत व्यक्त करत या खेळाडूंना विजयाचे श्रेय दिले.
मालिका जिंकणे ही एक चांगली भावना…..
रिषभ पंत आणि वॉशिंग्टन सुंदर यांची भागीदारी भारतीय संघासाठी अत्यंत महत्त्वाची असल्याचे रवी शास्त्री यांनी कबूल केले आहे. चौथ्या कसोटी सामन्यातील विजयाचे श्रेय त्यांनी या दोन खेळाडूंना दिले, ते म्हणाले की, मालिका जिंकणे ही मोठी भावना आहे. तरुण खेळाडूनीं कठीण परिस्थितीत कामगिरी चांगली केली हे पाहून आम्हाला समाधान होते.
या सामन्यात आमच्यावर काही काळासाठी दबाव होता. पंत आणि वाशीने ज्या प्रकारे खेळ खेळला आणि तेथून ३६० पर्यंत पोहोचवले ते आश्चर्यकारक होते. आम्ही तरुणांना संधी दिल्या आहेत आणि त्यांनी त्या संधींचा उपयोग केला आहे.
कसोटी चॅम्पियनशिपबद्दल कधीही विचार केला नाही
रवी शास्त्री….
रवी शास्त्री पुढे म्हणाले की, “मुलांनी एका वेळी फक्त एक मालिका घेतली. कसोटी चॅम्पियनशिपबद्दल कधीही विचार केला नाही. चेन्नईत पहिल्या कसोटी सामन्यादरम्यान मुले थकली होती आणि त्यांना प्रोत्साहित करण्यासाठी प्रेक्षक नव्हते.
ही इंग्लंडमधील आमच्या मालिकेसारखी आहे ज्यात आपला १-४ असा पराभव झाला. इंग्लंडकडे त्यांचे क्षण होते आणि जर त्यांनी त्यांना पकडले असते तर त्यांना वेगळा निकाल लागला असता. मुलांपैकी सर्वोत्कृष्ट कामगिरी करण्यासाठी सहाय्यक कर्मचार्‍यांनी तासनतास काम केले आहे. ”
रिषभ पंतचे कौतुक…..
रिषभ पंतचे कौतुक करत रवी शास्त्री यांनी आपल्या निवेदनात म्हटले आहे की,रिषभ पंत अप्रतिम आहे. आम्ही देखील त्या वेळी खूप काटेकोर होतो. आम्ही त्याला सांगितले की आपल्याला या खेळाचा आणखी थोडा आदर करावा लागेल. तो वजन कमी करण्यास आणि कठोर परिश्रम करण्याचे मान्य केले. आम्हाला माहित आहे की त्याच्यात किती प्रतिभा आहे आणि त्याने तसा प्रतिसाद दिला आहे.
कालचा डाव मी भारतामध्ये पाहिलेला एक सर्वोत्तम डाव होता. हा दोन टप्प्यांचा डाव होता. त्याने रोहितबरोबर त्याच्या नैसर्गिक खेळ करत भागीदारी रचली, हे करणे सोपे नाही आणि ५० नंतर त्याने पुन्हा आपला नैसर्गिक खेळ आक्रमक केला.असे रवी शास्त्री म्हणाले.
न्यूज अनकट प्रतिनिधी: निखिल जाधव
