रिलायन्स इंडस्ट्रीजने आठ आठवड्यांत १.०४ लाख कोटी रुपये केले जमा

नवी दिल्ली, दि. १५ जून २०२०: कच्चा तेलापासून ते दूरसंचार क्षेत्रात काम करणार्‍या रिलायन्स इंडस्ट्रीजने गेल्या आठ आठवड्यांत जियो प्लॅटफॉर्मच्या डिजिटल युनिटमधील भागभांडवल मोठ्या आणि ज्ञात गुंतवणूकदारांना विकून १.०४ लाख कोटी रुपयांची राशी जमवली आहे. कंपनीने शनिवारी जियो प्लॅटफॉर्ममधील ०.९३ टक्के भागभांडवल जागतिक गुंतवणूक कंपनी टीपीजीला ४,५४६.८० कोटी रुपयांना विकण्याची घोषणा केली.

रिलायन्स इंडस्ट्रीजने दिलेल्या निवेदनात म्हटले आहे की टीपीजी करारामुळे त्यांनी फेसबुकसह विविध गुंतवणूकदारांना जिओची २२.३८ टक्के हिस्सा विकून आतापर्यंत १,०४,३२६.९५ कोटी रुपये जमा केले आहेत. जिओ प्लॅटफॉर्ममध्ये कंपनीच्या टेलिकॉम आर्म रिलायन्स जिओ इन्फोकॉम आणि तिच्या म्युझिक आणि व्हिडिओ स्ट्रीमिंग अ‍ॅप्सचा समावेश आहे. यामुळे जिओ प्लॅटफॉर्मचे मूल्यांकन ५.१६ लाख कोटी रुपये आहे.

सर्वप्रथम, फेसबुकने २२ एप्रिल रोजी जिओमध्ये ४३,५७३.६२ कोटी रुपयांची गुंतवणूक करण्याची घोषणा केली. तेव्हापासून जिओला सतत गुंतवणूक मिळत आहे. फेसबुक व्यतिरिक्त रिलायन्स अशा वेळी जगातील अनेक बड्या गुंतवणूकदारांना जिओमध्ये गुंतवणूक करण्यासाठी आकर्षित करण्यास सक्षम झाला आहे, महत्त्वाचे म्हणजे रिलायन्स इंडस्ट्रीज मध्ये आलेली ही सर्व गुंतवणूक अशा वेळी आली आहे जेव्हा जागतिक अर्थव्यवस्था कोविड -१९ मुळे मंदीच्या घेऱ्या मध्ये आली आहे.

आता जिओ प्लॅटफॉर्ममध्ये फेसबुकसह नऊ प्रमुख गुंतवणूकदारांची २२.३८ टक्के भागीदारी आहे. या गुंतवणूकदारांमध्ये फेसबुकचा सर्वाधिक वाटा ९.९९ टक्के आहे. फेसबुकनंतर ४ मे रोजी जगातील सर्वात मोठ्या प्रौद्योगिकी निवेशक सिल्व्हर लेकने जिओ प्लॅटफॉर्ममध्ये १.१५ टक्के भागभांडवल ५,६६५.७५ कोटीमध्ये खरेदी केले. यानंतर, सिल्व्हर लेकने ५ जून रोजी जिओ चा अतिरिक्त ०.९३ टक्के हिस्सा ४,५४६ कोटी रुपयांना खरेदी करण्याची घोषणा केली. आता जिओमध्ये त्यांची २.०८ टक्के भागीदारी आहे.

जागतिक इक्विटी कंपनी जनरल अटलांटिकने १७ मे रोजी कंपनीत १.३४ टक्के भागभांडवल ६,५९८.३८ कोटी रुपयांमध्ये विकत घेतले. यानंतर अमेरिकन इक्विटी गुंतवणूकदार केकेआरने ११,३६७ कोटी रुपयांमध्ये २.३२ टक्के भागभांडवल खरेदी केले. यानंतर ५ जून रोजी अबू धाबीच्या खासगी मालमत्ता निधी मुबाडला आणि खासगी गुंतवणूक कंपनी सिल्व्हर यांनी ही गुंतवणूक केली. मुबाडलाने जिओ प्लॅटफॉर्ममधील १.८५ टक्के भागभांडवलासाठी ९,०९३.६० कोटी रुपयांची गुंतवणूक केली तर सिल्वरलेकने जिओ प्लॅटफॉर्ममधील ०.९३ टक्के अतिरिक्त भागासाठी ४,५४६.८० कोटी रुपयांची नवीन गुंतवणूक केली. यासह जिओ प्लॅटफॉर्ममधील सिल्व्हर लेकची एकूण गुंतवणूक १०,२०२.५५ कोटी रुपये असून एकूण भागभांडवल २.०८ टक्के आहे.

अबू धाबी इन्व्हेस्टमेंट अथॉरिटीने (एआयडीए) जियो प्लॅटफॉर्ममधील १.१६ टक्के भागभांडवलसाठी ५,६८३.५० कोटी रुपयांची गुंतवणूक केली आहे. या करारामुळे रिलायन्स इंडस्ट्रीजने संभाव्य प्रारंभिक सार्वजनिक ऑफर (आयपीओ) च्या आधी जिओ प्लॅटफॉर्ममधील सुमारे २२ टक्के हिस्सा विकला आहे. टीपीजी ही जगातील एक अग्रगण्य वैकल्पिक मालमत्ता कंपनी आहे, जीची स्थापना १९९२ मध्ये $ ७९ अब्ज डॉलर्सहून अधिक मालमत्तांच्या व्यवस्थापनासह झाली आहे. यात खाजगी इक्विटी, ग्रोथ इक्विटी, रिअल इस्टेट आणि पब्लिक इक्विटीचा समावेश आहे.

टीपीजीने २५ वर्षांच्या इतिहासात जगभरातील शेकडो पोर्टफोलिओ कंपन्यांचे विस्तृत नेटवर्क तयार केले आहे. जागतिक तंत्रज्ञान कंपन्यांमध्ये तिच्या गुंतवणूकीमध्ये एअर बीएनबी, उबर आणि स्पॉटिफाय इत्यादींचा समावेश आहे. रिलायन्स इंडस्ट्रीजचे चेअरमन व व्यवस्थापकीय संचालक मुकेश अंबानी म्हणाले की, “टीपीजीला आज एक महत्त्वपूर्ण भागीदार म्हणून स्वागत करताना मला आनंद होत आहे. डिजिटल इकोलॉजीच्या माध्यमातून भारतीयांचे जीवन डिजिटलपणे सक्षम बनवण्याचा आमचा कायम प्रयत्न असेल. टीपीजीच्या जागतिक तंत्रज्ञान व्यवसायात गुंतवणूक करण्याच्या ट्रॅक रेकॉर्डमुळे आम्ही प्रभावित झालो आहोत, जे शेकडो कोट्यावधी ग्राहक आणि लघु उद्योगांसह कार्य करतात आणि एक चांगला समाज निर्माण करतात. ”

टीपीजीचे सह-मुख्य कार्यकारी अधिकारी (को-सीईओ) जिम कोल्टर म्हणाले की, “जिओ मध्ये गुंतवणूकीसाठी रिलायन्सबरोबर भागीदारी करण्यास आम्ही उत्साहित आहोत, कारण जिओ भारताच्या डिजिटल अर्थव्यवस्थेत बदल घडवून आणत आहे.” रिलायन्स इंडस्ट्रीज लिमिटेडची संपूर्ण मालकीची सहायक कंपनी जिओ प्लॅटफॉर्म ही तंत्रज्ञान कंपनी आहे. रिलायन्स जिओ इन्फोकॉम लिमिटेड, ज्यात ३८.८ दशलक्ष मोबाइल ग्राहक आहेत ती जीओ प्लॅटफॉर्मची संपूर्ण मालकीची सहाय्यक कंपनी असेल.

भारतातील सर्वात श्रीमंत उद्योजक मुकेश अंबानी यांनी गेल्या वर्षी ऑगस्टमध्ये मार्च २०२१ पूर्वी रिलायन्स इंडस्ट्रीजला कर्जमुक्त करण्याचे लक्ष्य ठेवले होते. जिओ प्लॅटफॉर्ममधील या गुंतवणुकीच्या सौद्यांमुळे आणि ५३,१२५ कोटींच्या राइट इश्यू मुळे अंबानींचे उद्दीष्ट वेळेच्या आधीच पूर्ण झाल्यासारखे दिसते आहे.

यावर्षी डिसेंबरपर्यंत रिलायन्स इंडस्ट्रीज कर्जमुक्त होईल असा अंदाज आहे. मार्च तिमाहीच्या अखेरीस रिलायन्स इंडस्ट्रीजकडे ३,३६,२९४ कोटी रुपयांची थकबाकी होती, तर त्यांच्याकडे १,७५,२५९ कोटी रुपयांची रोकड होती. अशा प्रकारे कंपनीचे निव्वळ कर्ज १,६१,०३५ कोटी रुपये होते. गुंतवणुकीच्या या सौद्यांमधून आणि जिओ प्लॅटफॉर्मवरील राइट इश्यू केल्यामुळे कंपनीने सुमारे १.५५ लाख कोटी रुपये जमा केले आहेत.

न्यूज अनकट प्रतिनिधी: ईश्वर वाघमारे