मुंबई : रिझर्व्ह बँक ऑफ इंडियाने तीन बँकावर दंडात्मक कारवाई करण्यात आली आहे. पुण्यातील जनता सहकारी बँक, जळगाव पिपल्स सहकारी बँक आणि बंधन बँकेवर आरबीआयकडून दंडात्मक कारवाई करण्यात आली आहे.
आरबीआयच्या नियमांचे पालन न केल्यामुळे जनता सहकारी बँक व जळगाव पिपल्स सहकारी बँकेवर दंडात्मक कारवाई करण्यात आल्याचं आरबीआयकडून सांगण्यात आले आहे.
या दोन्ही बँकांना अनुक्रमे एक कोटी रुपये व २५ लाख रुपयांचा दंड ठोठावण्यात आला आहे. तर, ऑगस्ट २०१५ पासून पूर्ण क्षमतेने कामकाजाला सुरुवात करणाऱ्या बंधन बँकेने प्रवर्तक हिस्सेदारी ४० टक्क्यांवर न आणल्याबद्दल आरबीआयने एक कोटीचा दंड ठोठावला आहे.
