रशियाची युक्रेनवर पुन्हा बॉम्बफेक, 5 जण ठार

युक्रेन-रशिया युद्ध: रशिया आणि युक्रेन 24 फेब्रुवारीपासून रणांगणात उभे आहेत. या लढ्यात निरपराधांचा मृत्यू होत आहे. रशियाने युक्रेनवर पुन्हा बॉम्बफेक केली आहे. या हल्ल्यात सुमारे 5 जणांचा मृत्यू झाल्याची माहिती आहे. तर 12 वर्षांचा मुलगा गंभीर जखमी झाला आहे. युक्रेनियन मीडियानुसार, रशियन सैन्याने बॉम्ब फेकले. यामध्ये युक्रेनच्या 5 नागरिकांचा मृत्यू झाला. रशियन सैन्याने डोनेस्तक ओब्लास्टमधील बाखमुत आणि सिव्हर्स्क यांना लक्ष्य केले आहे.

दोन्ही देशांमध्ये सुरू असलेल्या या युद्धात आतापर्यंत युक्रेनमधील अनेक नागरिकांचा मृत्यू झाला आहे, तर हजारो लोक जखमी झाले आहेत. रशियन सैन्याने युक्रेनमधील अनेक शहरे उध्वस्त केली आहेत. इमारती उद्ध्वस्त झाल्या आहेत. अनेक घरे ओसाड झाली आहेत. युद्धामुळे लोक बेघर झाले आहेत, त्यामुळे हजारो लोकांनी पलायन केले आहे.

नुकतेच रशियन सैन्याने युक्रेनमधील ओडेसा ओब्लास्टमधील एका इमारतीला लक्ष्य केले. या हल्ल्यात युक्रेनचे 10 निष्पाप लोक मारले गेले. अनेक जण जखमी झाले. ओडेसा ओब्लास्टचे गव्हर्नर सेर्ही ब्राचुक यांनी सांगितले की, रशियन क्षेपणास्त्रांनी 9 मजली उंच इमारतीला धडक दिली. या हल्ल्यात 10 जणांचा मृत्यू झाला होता. त्याचबरोबर बिल्होरोड-डनिस्ट्रोव्स्की येथे क्षेपणास्त्र डागण्यात आले.

यापूर्वी 27 जून रोजी, रशियन क्षेपणास्त्रांनी युक्रेनियन शहरातील क्रेमेनचुकमधील एक शॉपिंग सेंटर उद्ध्वस्त केले जेव्हा त्या मॉलमध्ये शेकडो लोक होते. या हल्ल्यात 18 जणांचा मृत्यू झाला असून अनेक जण जखमी झाले आहेत.

युद्धाबाबत दोन्ही देशांचे आपापले दावे आहेत. पण जे निष्पाप आहेत त्यांची घरे उद्ध्वस्त होत आहेत, या युद्धामुळे अनेकांनी आपले प्रियजन गमावले आहेत.

न्यूज अनकट प्रतिनिधी: ईश्वर वाघमारे