समीर वानखेडेंच्या कुटुंबीय राज्यपाल भगतसिंह कोश्यारींच्या भेटीला, सत्याचा विजय नक्की होईल- क्रांती रेडकर

मुंबई, 10 नोव्हेंबर 2021: नवाब मलिक आणि एनसीबीचे झोनल डायरेक्टर समीर वानखेडे यांच्याबाबत सध्या जोरदार चर्चा सुरू आहेत.  अशा स्थितीत नवाब मलिक मंगळवारी देवेंद्र फडणवीस यांच्याविरोधात मैदानात उतरले आणि बुधवारी आम्ही हायड्रोजन बॉम्बचा स्फोट करू, असं सांगितलं.  तर दुसरीकडं औरंगाबाद येथील वानखेडे कुटुंबीयांच्या वतीनं तक्रार दाखल करण्यात आली होती.  याशिवाय समीर वानखेडे यांच्या मेहूनिने नबाव मलिकविरुद्ध गोरेगाव पोलीस ठाण्यात एफआयआर दाखल केलाय.

 दरम्यान, मंगळवारी समीर वानखेडे यांचे वडील ध्यानदेव कचरुजी वानखेडे आणि समीर वानखेडे यांच्या पत्नीने महाराष्ट्राचे राज्यपाल भगतसिंग कोश्यारी यांची भेट घेतली.  या भेटीनंतर समीर वानखेडे यांचे वडील म्हणाले, ‘ मी आणि सून राज्यपालांना भोरलो, आम्ही त्यांना निवेदन दिलंय.  राज्यपालांनी आम्हाला सांगितलं की सर्व काही ठीक होईल.

 समीर वानखडे यांच्या पत्नी क्रांती रेडकर वानखेडे यांनी पत्रकारांशी संवाद साधताना सांगितलं की, आम्ही त्यांना सर्व काही सांगितलं आहे, आम्ही त्यांची कोणतीही तक्रार दिलेली नाही.  पण ही सत्याची लढाई आहे आणि आपण ती लढत आहोत, ती लढण्यासाठी आपल्याला फक्त ताकद हवी आहे.  नवाब मलिक हे समीर वानखेडे यांच्या कुटुंबावर सातत्याने निशाणा साधत आहेत, याआधी वानखेडे कुटुंबीयांनी त्यांच्याविरोधात 1.25 कोटींचा मानहानीचा दावाही दाखल केला आहे.

 वानखेडे कुटुंबीयांनी राज्यपाल भगतसिंग कोश्यारी यांची भेट घेतली

 त्याचवेळी समीर वानखेडे यांच्या महूनीनिने ही राष्ट्रवादीचे नेते नवाब मलिक यांच्यावर कायदेशीर कारवाई केलीय.  वास्तविक, नवाब मलिक यांनी समीर वानखेडे यांच्या मेहुनीविरोधातही ट्विट केलं होतं, त्यानंतर त्यांच्याविरुद्ध पुण्यात गुन्हा दाखल करण्यात आला होता.  त्याचवेळी वानखेडे यांच्या नातेवाईकांनी औरंगाबाद येथील नवाब मलिक यांच्याविरोधात एससी-एसटी कायद्यांतर्गत तक्रारही दिली आहे.

यापूर्वी, समीर वानखेडे यांच्या वडिलांनी एससी-एसटी कायद्यांतर्गत दोन तक्रारी दिल्या होत्या, ज्यामध्ये एक तक्रार वाशिमला आणि दुसरी तक्रार ओशिवराचे एसीपी नवाब मलिक यांच्या विरोधात देण्यात आली होती.

 समीर वानखेडे यांच्या मेहूनिनेही गुन्हा दाखल केला

 दुसऱ्या एका प्रकरणात, समीर वानखेडे यांच्या मेहूनिने गोरेगाव पोलीस ठाण्यात नबाव मलिकविरुद्ध एफआयआर दाखल केलाय.  नवाब मलिक व्यतिरिक्त निशांत वर्माविरुद्ध कलम 354, 354 डी, 503 आणि 506 अंतर्गत गुन्हा दाखल करण्यात आला आहे.  नवाब मलिक आणि निशांत वर्मा यांनी समीर वानखेडे यांच्या मेव्हण्याविरोधात ट्विट केलं होतं.  त्यानंतर हा गुन्हा दाखल करण्यात आला.

 या आरोपांवर सनातन संस्थेने प्रत्युत्तर दिले

 नवाब मलिक यांनी सनातन संस्थेवर केलेल्या आरोपानंतर आता संस्थेनेही प्रत्युत्तर दिले आहे.  मुंबई ड्रग्ज प्रकरणात अत्यंत खालच्या पातळीवरचे राजकारण खेळले जात असल्याचे ते म्हणाले.  त्यात नवाब मलिक यांनी सनातन संस्थेच्या नावाचा गैरवापर करून सत्य जाणून न घेता आपल्यावर केलेल्या आरोपांचा खुलासा केलाय.  सनातन संस्थेने दाऊदची कोणतीही मालमत्ता खरेदी केलेली नाही.  रत्नागिरीच्या वर्तमानपत्रात प्रसिद्ध झालेल्या बातम्यांनुसार, ती मालमत्ता दिल्लीचे वकील अजय श्रीवास्तव यांनी विकत घेतली आहे.

 त्या ठिकाणी लहान मुलांवर संस्कार करण्यासाठी श्रीवास्तव यांनी ‘सनातन धर्म पाठशाळा’ नावाचे गुरुकुल सुरू करण्याची घोषणा केली असल्याचे संस्थेने म्हटले आहे.  याशिवाय सनातन संस्था आणि अधिवक्ता अजय श्रीवास्तव यांचा कोणताही संबंध नाही.  त्यामुळं नवाब मलिक यांनी पुरेशी माहिती नसताना सनातन संस्थेच्या संदर्भात असे खोटे आरोप करून स्वतःची खिल्ली उडवू नये.

क्रांती रेडकरच्या बहिणीवर मलिकांचा गंभीर आरोप

अभिनेत्री क्रांती रेडकर यांची बहीण हर्षदा दीनानाथ रेडकर या ड्रग्जच्या व्यवसायात असल्याचा आरोप नवाब मलिक यांनी केला आहे. नुकतेच समीर वानखेडेंचे वडील ज्ञानदेव वानखेडे यांनी मुंबई उच्च न्यायालयात मलिक यांच्याविरोधात 1.25 कोटी रुपयांचा दावा दाखल केला होता. त्यानंतरही नवाब मलिक यांच्याकडून आरोपांची सरबत्ती सुरुच आहे.

समीर दाऊद वानखेडे, तुमची मेहुणी हर्षदा दीनानाथ रेडकर ड्रग्जच्या व्यवसायात आहे का? तिची केस पुणे कोर्टात प्रलंबित असल्यामुळे तुम्ही उत्तर द्या. हा घ्या पुरावा, असं लिहित नवाब मलिक यांनी ट्विटरवर काही कागदपत्रे पुरावे म्हणून सादर केले आहेत.

न्यूज अनकट प्रतिनिधी: ईश्वर वाघमारे