नवी दिल्ली, दि. १४ जून २०२०: कोरोना विषाणूची प्रकरणे भारतात खूप वेगाने समोर येत आहेत. कोविडच्या सर्वाधिक घटनांच्या यादीमध्ये भारत रशियानंतर चौथ्या स्थानी पोहोचला आहे. दरम्यान, भारत सरकारच्या आरोग्य मंत्रालयाने कोरोनाच्या लक्षणांच्या यादीमध्ये दोन नवीन लक्षणांचा समावेश केला आहे.
आरोग्य मंत्रालयाने शनिवारी सांगितले की वास घेण्याची आणि चव ओळखण्याची क्षमता गमावणे ही कोरोनाची प्रमुख लक्षणे आहेत. वैद्यकीय भाषेत त्याला अनुक्रमे एनोसमिया अॅजिसिया असे म्हणतात. आरोग्य मंत्रालयाने यापूर्वी या दोन्ही लक्षणांची नोंद कोरोना यादीमध्ये केलेली नव्हती.
गेल्या रविवारी (७ जून) कोरोना विषाणूवरील राष्ट्रीय टास्क फोर्सच्या बैठकीत या लक्षणांचा यादीमध्ये समावेश करावा की नाही यावर चर्चा झाली. मे महिन्यामध्ये, अमेरिकेतील रोग नियंत्रण आणि प्रतिबंधक केंद्र (सीडीसी) ने ही दोन्ही लक्षणे या यादीमध्ये जोडली होती.
या यादीमध्ये केवळ ताप, खोकला, थकवा, श्वास घेण्यात अडचण, कफ, स्नायू वेदना, घसा खवखवणे आणि अतिसार यासारख्या लक्षणांचा समावेश आहे. CDC च्या अहवालानुसार, कोरोना पॉझिटिव्ह आढळल्यानंतर गंध ओळखण्याची आणि चव ओळखण्याची क्षमता गमावणाऱ्या रुग्णांची संख्या मोठी आहे.
आता कोरोनाची ही दोन नवीन लक्षणे असलेल्या लोकांची चाचणी करणे खूप महत्वाचे आहे. आतापर्यंत अशी अनेक प्रकरणे आढळली आहेत की रूग्णांना खोकला किंवा ताप येत नाही, परंतु ते वास घेण्याची आणि चव ओळखण्याची क्षमता गमावत आहेत.
असे बरेच रुग्ण देखील दिसू लागले आहेत, ज्यात कोरोनाची केवळ एक किंवा दोन लक्षणे दिसली आहेत. तर काही एसिम्प्टोमैटिक असतात. गेल्या आठवड्यात वर्ल्ड हेल्थ ऑर्गनायझेशन ने असे सांगितले आहे की ज्या रुग्णांमध्ये कोणतीही लक्षणें नसतात अशा रुग्णांकडून इतर व्यक्तींना संसर्ग होण्याची शक्यता केवळ सहा टक्क्यांपर्यंत असते.
न्यूज अनकट प्रतिनिधी
