चेन्नई, ३० नोव्हेंबर २०२०: कोरोना कहरात लोक आता लसची अपेक्षा करत आहेत. दरम्यान, चेन्नईतील सीरम इन्स्टिट्यूटच्या कोविशिल्ट या लसीच्या चाचणीत भाग घेणार्या व्यक्तीने चाचणीमुळे त्याचे तीव्र दुष्परिणाम झाल्याचा आरोप केला. आरोपा सह पाच कोटी रुपयांच्या नुकसान भरपाईची मागणीही या व्यक्तीने केली आहे. यानंतर, आरोप करणाऱ्या व्यक्तीवर शंभर कोटींचा मानहानीचा खटलाही सीरम ने दाखल केला.
पीटीआयच्या वृत्तानुसार, चाचणीमुळे ४० वर्षांच्या या व्यक्तीवर गंभीर न्यूरोलॉजिकल समस्या आणि इतर अनेक समस्यांसह गंभीर दुष्परिणाम झाल्याचा आरोप आहे. इतकेच नाही तर या व्यक्तीने चाचणी लस असुरक्षित म्हटले आणि त्याची चाचणी, उत्पादन व वितरण रद्द करण्याची मागणी केली व तसे न केल्यास कायदेशीर कारवाईचा इशारा दिला.
दुसरीकडे सीरम संस्थेने हे आरोप फेटाळून लावले आहेत. निवेदनात म्हटले आहे की, ‘रुग्णाला आमची सहानुभूती आहे. परंतु लस चाचणी आणि त्यांचे खराब आरोग्य यामध्ये कोणताही संबंध नाही. ते त्यांच्या बिघडत चाललेल्या प्रकृतीसाठी अनावश्यकपणे सीरम संस्थेला दोष देत आहे’.
या व्यतिरिक्त, सीरम संस्थेने खोटे आरोप केल्याबद्दल भारी दंड आकारला आहे आणि त्या व्यक्तीवर १०० कोटी रुपयांचा मानहानीचा दावा देखील केला आहे.
न्यूज अनकट प्रतिनिधी: ईश्वर वाघमारे
