‘शाहरुखने माझे लव्हलाईफ उध्वस्त केले’ ; ‘या’ अभिनेत्रीचा गंभीर आरोप

मुंबई, १३ सप्टेंबर २०२२,अभिनेता शाहरुख खान हा बॉलीवूड मधला किंग खान म्हणून ओळखला जातो. अनेक जणी त्याच्यावर फिदा आहेत, यात काही वाद नाही. त्याच्या चांगल्या स्वभावासाठी आणि त्याच्या बायको बद्दल असलेल्या एकनिष्ठतेसाठी तो ओळखला जातो.

मात्र, बॉलीवूडमधीलच एक अभिनेत्रीने त्याच्यावर गंभीर आरोप केला आहे. ‘शाहरुख मुळे माझे लव लाइफ बरबाद झाले,’ असा आरोप दुसरी तिसरी कोण नाही तर आपल्या वक्तव्याने सतत चर्चेत असणारी स्वरा भास्कर हिने केला आहे. ती आपल्या ‘जहाँ चार यार’ या चित्रपटाच्या प्रमोशनसाठी मुलाखत देत असताना हे वक्तव्य केले आहे.

मी तरुण वयातच शाहरुखचा दिलवाले दुल्हनिया ले जायेंगे हा चित्रपट पाहिला होता. तेव्हापासून मी माझ्या आयुष्यातल्या राजच्या शोधात होते. मात्र खऱ्या आयुष्यात राज वगैरे कोण नसतो हे कळायला मला बरेच वर्ष गेली, असे म्हणत तिनेही मिश्किल टिपणी केली आहे. सिंगल राहणं कठीण असले तरी देखील मनपसंत जोडीदार शोधणे हे त्याहून अधिक कठीण असल्याचेही ती म्हणाली आणि त्यामुळे या सगळ्याला शाहरुख जबाबदार आहे असे तिचे म्हणणे आहे.

न्यूज अनकट प्रतिनिधी: सुरज गायकवाड