बारामती: शाळेतील मुलींना निर्भया पथकाच्या प्रमुख अमृता भोईटे यांनी विद्यार्थिनींना मार्गदर्शन केले.
बारामती शहर पोलीस स्टेशन हद्दीत बारामती नगर परिषद शाळा क्रमांक ५,६,८ उर्दू शाळा या शाळेला भेट देऊन १ ली ते १० वी च्या विद्यार्थ्यांना निर्भया पथक म्हणजे काय निर्भया पथकाचे ध्येय उद्दिष्ट मुलींना सक्षम बनविणे. त्यांच्यामध्ये आत्मविश्वास निर्माण करणे, मुलांमध्ये पुरुषांमध्ये मुलींविषयी महिलांविषयी आदराची भावना निर्माण करणे, मुलींची महिलांची समाजामध्ये होणारी छेडछाड थांबविणे मोबाईल फोनद्वारे जे काही गुन्हे घडतात.
त्यावर गुन्हे दाखल करून सायबर क्राईमनुसार त्याचा जलदगतीने तपास करणे बारामती विभागांमध्ये निर्भया पथक कशा पद्धतीने काम करीत आहे.
स्वसंरक्षण पॉक्सो अॅक्ट आयुष्यातील आपल्या आई- वडिलांचे शिक्षकांचे स्थान कुटुंबातील वातावरण सामाजिक जाणीव लहान मुलांवरील होणारे अत्याचार त्याबाबत पोलीस स्टेशनला दाखल होणारे गुन्हे यांची उदाहरणांसहित माहिती देऊन आपलं रक्षण आपण स्वतः कसं करू शकतो. आई वडील सोडून कोणावरही विश्वास ठेवू नये, कोणी दिलेला खाऊ नये, शाळेमध्ये जाताना-येताना एकटे एकटे न येता-जाता समूहाने यावे जावे, स्वसंरक्षणासाठी पोहणे, कराटे तसेच मिरचीपूड दप्तरात ठेवणे ओरडणे चावणे, स्कूल बॅग, पेन सायकलची चावी याचा आपण स्वसंरक्षणासाठी कसा वापर करू शकतो तो कसा करावा, संस्कृती पुरुषप्रधान असली तरी कायदे महिलांच्या बाजूने आहेत. त्यामुळे महिलांनी न भिता न घाबरता बोलावे समोर जावे. तक्रार द्यावी, अन्याय सहन करू नये, अन्याय करणाऱ्यापेक्षा अन्याय सहन करणारा फार मोठा दोषी असतो. त्याच पद्धतीने व्यक्त व्हा. तुमची अडचण व्यक्त झालात बोललात तर आम्हाला समजेल. त्यासाठी बोला व्यक्त व्हा. वेळोवेळी निर्भया पथक स्थानिक पोलिस स्टेशन हेल्पलाइन नंबर १००/१०९१ यांची मदत घ्या, असे आवाहन यावेळी करण्यात आले.
