झारखंड: झारखंडमध्ये झामुमो, कॉंग्रेस आणि आरजेडी युतीला बहुमत मिळाल्यानंतर शपथविधी सोहळ्यासाठी अनेक राज्यांच्या मुख्यमंत्र्यांना आमंत्रित करण्यात आले होते. या वेळी विरोधी नेत्यांचा मेळावा अपेक्षित आहे. त्याचबरोबर महाराष्ट्राचे मुख्यमंत्री उद्धव ठाकरेसुद्धा या यादीमध्ये समाविष्ट आहेत, पण उद्धव यांना रांचीतील हेमंत सोरेन यांच्या शपथविधी सोहळ्यास उपस्थित राहता येणार नाही.
हेमंत सोरेन यांनी उद्धव ठाकरे यांना शपथविधी सोहळ्यासाठी आमंत्रित केले पण ठाकरे यांनी न जाण्याचा निर्णय घेतला आहे. झारखंडमध्ये शपथविधी सोहळ्याच्या बहाण्याने विरोधकांकडून एकता दर्शविली जाईल, जिथून उद्धव ठाकरे यांनी अंतर केले आहे. एवढेच नव्हे तर राष्ट्रवादीचे अध्यक्ष शरद पवारसुद्धा या शपथविधी सोहळ्याला उपस्थित राहणार नाहीत. शरद पवार यांचा आज पनवेलमध्ये पूर्व निर्धारित कार्यक्रम आहे, त्यात ते सहभागी होतील. तसेच दिल्लीचे मुख्यमंत्री अरविंद केजरीवालही शपथविधी सोहळ्याला येणार नाहीत. आम आदमी पक्षाचे खासदार संजय सिंह रांची येथे होत असलेल्या या कार्यक्रमात सहभागी होऊ शकतात.
हेमंत सोरेन आज झारखंडच्या मुख्यमंत्रीपदाची शपथ घेत आहेत. राज्यपाल द्रौपदी मुर्मू रांचीच्या मोरहाबादी मैदानावर आयोजित भव्य शपथविधी सोहळ्यात झामुमोचे विधिमंडळ पक्षाचे नेते हेमंत सोरेन यांना पदाची शपथ देतील. १४ जानेवारी रोजी मकरसंक्रांतीनंतर म्हणजे खरमास संपल्यानंतर झारखंड मंत्रिमंडळाचा विस्तार होईल, अशी माहिती हाती आली आहे.
