पीएफमध्ये गुंतवणूक करणार्‍यांना धक्का, अधिक उत्पन्नावर कर

नवी दिल्ली, २ फेब्रुवरी २०२१: अर्थसंकल्प २०२१ च्या घोषणेनंतर भविष्य निर्वाह निधी (पीएफ) मध्ये गुंतवणूक करणार्‍यांना मोठा धक्का बसला आहे. केंद्रीय अर्थमंत्री निर्मला सीतारमण यांनी जाहीर केले आहे की आता केवळ आर्थिक वर्षात अडीच लाखांपर्यंत गुंतवणूक केल्यास कर माफीचा लाभ मिळेल. म्हणजेच, जर आपण यापेक्षा जास्त गुंतवणूक केली असेल तर मिळविलेले व्याज कर पात्र होईल. सध्या पीएफवरील व्याज दर ८ टक्के असून व्याजातून मिळणारे उत्पन्न पूर्णपणे करमुक्त आहे.

याचा अर्थ असा की एखाद्याच्या पीएफमध्ये वर्षामध्ये अडीच लाखाहून अधिक जमा झाले तर त्यावरील परताव्यावर त्यांना व्याज द्यावे लागेल. हा नियम १ एप्रिल २०२१ पासून लागू होईल. नव्या नियमानुसार अशा व्यक्ती ज्यांचे भविष्य निर्वाह निधीचे योगदान आर्थिक वर्षात अडीच लाख किंवा त्याहून अधिक असेल तर पुढील आर्थिक वर्षापासून मिळणाऱ्या व्याजावर त्यांना कर सूट मिळू शकणार नाही.

कर्मचार्‍यांच्या भविष्य निर्वाह निधीत गुंतवणूकीतून वर्षाकाठी अडीच लाखांपर्यंतच्या गुंतवणूकीचे उत्पन्न मिळकत करमुक्त ठेवले होते. आता वरील गुंतवणूकीतून परताव्यावर कर आकारला जाईल.

२०२१ चा अर्थसंकल्प सादर करताना अर्थमंत्री निर्मला सीतारमण म्हणाल्या, “मोठे उत्पन्न मिळवणार्‍या कर्मचार्‍यांकडून मिळणाऱ्या उत्पन्नावरील कर सूट युक्तिसंगत करण्याच्या हेतूने कर्मचार्‍यांच्या विविध भविष्य निर्वाह निधीच्या वार्षिक अंशदानातून मिळणाऱ्या परताव्यावरील कर सवलत ठेवणे प्रस्तावित आहे. आतापर्यंत भविष्य निर्वाह निधीवरील परताव्यास करातून सूट देण्यात आली होती.

काँग्रेसने साधला निशाण

महत्त्वाचे म्हणजे भविष्य निर्वाह निधी, राष्ट्रीय निवृत्तीवेतन योजनेतील गुंतवणूक देखील कर लाभ देते. याअंतर्गत गुंतवणूक कलम ८० सी अंतर्गत येते. याशिवाय व्याज उत्पन्न आणि पैसे काढणे देखील पूर्णपणे करमुक्त आहे. त्याचवेळी कॉंग्रेसने पीएफला करांच्या जाळ्यात आणल्याने सरकारवर निशाणा साधला आहे. कॉंग्रेस नेते सुष्मिता देव यांनी ट्विट केले की, ‘मोदी सरकारच्या बजेट २०२१ मध्ये भांडवलदार मित्रांना सरकारी मालमत्ता विकायची योजना आहे. वंचित घटकांना कोणताही दिलासा मिळालेला नाही. सर्वात मोठा फटका पीएफला टॅक्सच्या जाळ्यात आणून मध्यमवर्गाला बसला आहे. पेट्रोल, डिझेल आणि एलपीजीवर कोणताही दिलासा मिळालेला नाही. नरेगाच्या निधीत ४२ टक्के कपात झाल्याने ग्रामीण भागातील महिलांना निराश केले आहे.’

न्यूज अनकट प्रतिनिधी: ईश्वर वाघमारे