माळेगावात महिलेच्या गळ्यातील गंठण हिसकावले; दोघा अज्ञातांविरोधात गुन्हा दाखल

माळेगाव बुद्रूक (बारामती), ४ ऑक्टोबर २०२०: गावातील वर्दळीच्या ठिकाणी असणाऱ्या सूरज स्टेशनरी जनरल स्टोअर्स दुकानात खरेदीसाठी आलेल्या महिलेचा पाठलाग करत दुकानात शिरून दोघा अज्ञातांनी महिलेच्या गळ्यातील ७५ हजार रुपये किमतीचे सोन्याचे मंगळसूत्र हिसकावून नेल्याची घटना घडली.

याप्रकरणी अरुणा संपतराव मासाळ (रा. नागेश्वरनगर, बारामती) यांनी बारामती तालुका पोलिस ठाण्यात तक्रार दाखल केल्यावर दोघा अज्ञात चोरट्यांच्या विरोधात गुन्हा दाखल करण्यात आला आहे. शनिवार (दि.३) रोजी दुपारी दोनच्या सुमारास नागेश्वर नगर येथील सूरज स्टेशनरी जनरल स्टोअर मध्ये ही घटना घडली. अरुणा मासाळ या दुकानामध्ये आल्या असताना २८१५ या नंबरच्या दुचाकीवरून आलेल्या तोंड बांधलेल्या दोघांनी जबरदस्तीने फिर्य़ादी महिलेच्या गळ्यातील ७५ हजार रुपयांचे गंठण हिसकावत दुचाकीवरून पळ काढला.

माळेगावमध्ये मागील काही दिवसांमध्ये चोरीचा हा तिसरा प्रकार असल्याने येथील महिलांमध्ये घबराटीचे वातावरण आहे.

न्युज अनकट प्रतिनिधी – अमोल यादव