‘…तर येत्या काही वर्षांत भारत जगातील तिसरी सर्वांत मोठी अर्थव्यवस्था बनू शकेल’

पुणे, ५ जानेवारी २०२३ : ‘अर्थसंकल्प- २०२३’ची तयारी जोरात सुरू आहे. लोकांना आशा आहे, की मोदी सरकार आर्थिक सुधारणांवर पुढे जाऊ शकते. १९९१ च्या आर्थिक सुधारणांनंतर भारताची प्रगती झपाट्याने होऊ लागली आहे. तेव्हापासून आजपर्यंत जागतिक अर्थव्यवस्थेने अनेक चढ-उतार पाहिले आहेत. २००८ चे जागतिक आर्थिक संकट असो किंवा कोविडसारखी महामारी असो भारताने प्रत्येक वेळी या समस्यांना अधिक चांगल्या पद्धतीने तोंड दिले आहे. सध्याच्या मोदी सरकारच्या कार्यकाळात अशी अनेक कामे झाली आहेत ज्यामुळे येत्या काही वर्षांत भारत जगातील तिसरी सर्वांत मोठी अर्थव्यवस्था बनू शकेल.

१९९१ च्या आर्थिक सुधारणांनी भारताला वाढीची लस दिली होती. भारताला सध्याच्या मोदी सरकारच्या साडेआठ वर्षांच्या कार्यकाळात ‘बुस्टर डोस’ मिळाला आहे. २०१४ मध्ये भारत जगातील टॉप-१० अर्थव्यवस्थांमध्ये सामील होणारा देश बनला. आज ब्रिटनला मागे टाकून जगातील ५वी सर्वांत मोठी अर्थव्यवस्था आहे.

जर्मनी आणि जपान लवकरच मागे पडतील
भारताचा विकास असाच सुरू राहिला तर तो दिवस दूर नाही जेव्हा भारत २०२७ पर्यंत जर्मनीला आणि २०२९ पर्यंत जपानच्या अर्थव्यवस्थेला मागे टाकेल. म्हणजेच अमेरिका आणि चीननंतर भारत ही जगातील तिसरी मोठी अर्थव्यवस्था असेल. मोदी सरकारच्या कार्यकाळातील अनेक सुधारणांचा यात महत्त्वाचा वाटा आहे.

मोदी सरकारमध्ये ही मोठी कामे झाली!
२०१५ मध्ये केंद्रात पंतप्रधान नरेंद्र मोदी यांचे सरकार स्थापन झाले. तेव्हापासून आतापर्यंत या सरकारने करापासून बँकिंग क्षेत्रापर्यंत आणि पायाभूत सुविधांमध्ये बदल करण्यापासून ते दिवाळखोरी कायदा आणण्यापर्यंत अनेक मोठी कामे केली आहेत.

‘न्यूज अनकट’ प्रतिनिधी : सूरज गायकवाड