सूर्यग्रहण 2022 भारतातील तारीख आणि वेळ: आज सूर्यग्रहण, कुठं दिसेल? काय असेल कालावधी

सूर्यग्रहण 2022, 30 एप्रिल 2022: वर्षातील पहिलं सूर्यग्रहण आज म्हणजेच 30 एप्रिलच्या मध्यरात्री होणार आहे. वैदिक ज्योतिषशास्त्रात सूर्यग्रहण अत्यंत महत्त्वाचं मानलं जातं. हिंदू कॅलेंडरनुसार हे ग्रहण वैशाख महिन्यातील अमावास्येला होईल. नासाच्या म्हणण्यानुसार, 30 एप्रिलच्या ग्रहण दरम्यान, सूर्याची 64 टक्के प्रतिमा चंद्राद्वारे झाकली केली जाईल. वर्षातील पहिलं सूर्यग्रहण आज होणार आहे आणि दुसरं सूर्यग्रहण 25 ऑक्टोबर 2022 रोजी होणार आहे.

सूर्यग्रहण वेळ (Surya Grahan April 2022 India Timing)-

वर्षातील पहिलं सूर्यग्रहण भारतीय वेळेनुसार 30 एप्रिल रोजी मध्यरात्री म्हणजेच 12:15 वाजता सुरू होईल. हे सूर्यग्रहण 1 मे रोजी पहाटे 4.07 पर्यंत राहील. ग्रहणाचा कालावधी सुमारे 4 तासांचा असेल. हे ग्रहण आंशिक असेल. म्हणजेच, चंद्र सूर्यप्रकाशाला एक अंशच अडथळा आणेल.

सूर्यग्रहण कुठं दिसेल (Surya Grahan 2022 Visibility in India) –

हे सूर्यग्रहण अंटार्क्टिका व्यतिरिक्त अटलांटिक प्रदेश, पॅसिफिक महासागर आणि दक्षिण अमेरिकेच्या दक्षिण पश्चिम भागात दिसणार आहे. हे ग्रहण भारतात दिसणार नाही, त्यामुळं या ग्रहणाचा धार्मिक परिणाम भारतात विचारात घेतला जाणार नाही आणि उपासनेत कोणत्याही बंधनांचा विचार केला जाणार नाही.

काय आहे आंशिक सूर्यग्रहण 2022 –

नासाच्या मते, जेव्हा चंद्र सूर्य आणि पृथ्वीच्या मध्ये येतो आणि पृथ्वीवर सावली पडते तेव्हा सूर्यग्रहण होतं. या अवस्थेत, ते सूर्यप्रकाश पूर्णपणे किंवा अंशतः कव्हर करते. आंशिक ग्रहण दरम्यान, चंद्र सूर्य पूर्णपणे झाकत नाही. यामुळे सूर्य चंद्रकोराच्या आकारात दिसतो. आंशिक ग्रहणामुळं चंद्र, सूर्य आणि पृथ्वी परिपूर्ण सरळ रेषेत राहणार नाहीत.

न्यूज अनकट प्रतिनिधी: ईश्वर वाघमारे