दक्षिण कोरिया व्यावसायिक दर्जाच्या उपग्रहाचे पहिले प्रक्षेपण करणार

साऊथ कोरिया, १२ एप्रिल २०२३; गेल्या वर्षी जूनमध्ये दक्षिण कोरियाने नुरी रॉकेटचा वापर करून पहिला उपग्रह प्रक्षेपित केला होता.त्या प्रक्षेपणात दक्षिण कोरियाच्या अधिकाऱ्यांनी त्याला मुख्यतः रॉकेटच्या क्षमतेचे परीक्षण करण्यासाठी डिझाइन केलेला “परफॉर्मन्स व्हेरिफिकेशन” उपग्रह म्हणून संबोधले. आता दक्षिण कोरिया त्याच्या अंतराळ विकास कार्यक्रमाचा एक भाग म्हणून पुढील महिन्यात देशांतर्गत तयार केलेल्या रॉकेटवर व्यावसायिक दर्जाच्या उपग्रहाचे पहिले प्रक्षेपण करण्याची योजना आखत आहे.

दक्षिण कोरियाच्या अधिकाऱ्यांच्या मते नुरी स्पेस लॉन्च व्हेइकलचे कोणतेही लष्करी उद्देश नाहीत. परंतु काही तज्ञांच्या म्हणण्यानुसार अशा रॉकेटच्या विकासामुळे देशाला मोठी क्षेपणास्त्रे तयार करण्यासाठी आणि प्रतिस्पर्ध्याच्या उत्तर कोरियाशी वैमनस्य असलेल्या टोपण उपग्रहांचे प्रक्षेपण करण्यासाठी आवश्यक तंत्रज्ञान प्राप्त करण्यास मदत होईल.वैज्ञानिक आणि मंत्रालयाच्या निवेदनानुसार, “हे रॉकेट देशाच्या अंतराळ प्रक्षेपण केंद्रातून २४ मे रोजी दक्षिणेकडील बेटावर उडेल. हवामानामुळे संभाव्य वेळापत्रकात बदल झाल्यास २५ ते ३१ मे दरम्यान बॅकअप प्रक्षेपण तारीख निश्चित करण्यात आली आहे.

गेल्या वर्षीचे प्रक्षेपण हे नुरी रॉकेटचे दुसरे लिफ्टऑफ होते. २०२१ मध्ये त्याच्या पहिल्या प्रक्षेपणात, रॉकेटचे डमी पेलोड इच्छित उंचीवर पोहोचले परंतु कक्षेत प्रवेश करण्यात अयशस्वी झाले. पुढील महिन्याच्या प्रक्षेपणानंतर, दक्षिण कोरिया आणखी तीन नुरी रॉकेट प्रक्षेपण करण्याची योजना आखणार असल्याचे अधिकाऱ्यांकडून समजतंय.

काय आहे रॉकेटची योजना?

रॉकेट “नेक्स्ट जनरेशन स्मॉल सॅटेलाइट 2” नावाचा एक मुख्य उपग्रह आणि इतर सात लहान घन-आकाराचे उपग्रह घेऊन जाईल. मुख्य उपग्रह इमेजिंग रडार तंत्रज्ञानाची पडताळणी आणि पृथ्वीच्या जवळच्या कक्षेत वैश्विक किरणोत्सर्गाचे निरीक्षण करण्याचे काम पार पाडेल.प्राधिकरणांनी रॉकेटच्या पहिल्या आणि दुसऱ्या टप्प्याचे असेंब्ली पूर्ण केले असून रॉकेटच्या तिसऱ्या टप्प्यावर ठेवल्या जाणार्‍या आठ उपग्रहांच्या अंतिम पर्यावरणीय चाचण्या पार पडत आहेत.

दक्षिण कोरिया, जगातील १० वी सर्वात मोठी अर्थव्यवस्था, अर्धसंवाहकांचे, ऑटोमोबाईल्स आणि स्मार्टफोन प्रमुख उत्पादक आहे. पण दक्षिण कोरियाचे अवकाश विकास कार्यक्रम त्याच्या तुलनेत मागे आहे.त्यामुळे नुरीचे तिसरे प्रक्षेपण खूप महत्त्वाचे आहे. त्याचप्रमाणे व्यावसायिक दर्जाचा उपग्रह प्रक्षेपित करण्याचा दक्षिण कोरियाचा हा पहिला प्रयत्न आहे आणि पहिल्यांदाच खाजगी कंपनी संयुक्तपणे स्वदेशी नुरी रॉकेट तयार करणार आहे.

न्यूज अनकट प्रतिनिधी: ऋतुजा पंढरपुरे.