अंदमान निकोबारमध्ये वादळाचा इशारा, या भागात ‘आसानी’ चक्रीवादळाचा धोका

Cyclone Asani Updates, 22 मार्च 2022: बंगालच्या उपसागरावर असनी चक्रीवादळ येत्या 12 तासांत वादळात बदलण्याची शक्यता आहे. या चक्रीवादळाच्या प्रभावामुळे अंदमान आणि निकोबारमध्ये मुसळधार पावसाचा इशारा देण्यात आला आहे. हवामान खात्याने (IMD) दिलेल्या माहितीनुसार, आसनी चक्रीवादळाच्या प्रभावामुळे अंदमान-निकोबार बेटांवर रविवारपासून पाऊस आणि जोरदार वारे वाहत आहेत.

हवामान खात्याच्या म्हणण्यानुसार, आग्नेय बंगालच्या उपसागरावर, कार निकोबारच्या सुमारे 320 किमी ईशान्येस आणि पोर्ट ब्लेअरच्या 110 किमी आग्नेयेकडे दबाव निर्माण होत आहे, जो पुढील 12 तासांत वादळात तीव्र होण्याची शक्यता आहे.

IMD च्या म्हणण्यानुसार, आग्नेय आणि दक्षिण अंदमान समुद्रावर निर्माण झालेले डिप्रेशन उत्तरेकडे सरकले आहे. ज्याचे काल, मंगळवार, 21 मार्च रोजी सायंकाळपर्यंत चक्री वादळात रूपांतर होणार होते. या भागात मुसळधार ते अतिवृष्टी होण्याची शक्यता आहे.

आयएमडीच्या म्हणण्यानुसार, हे चक्रीवादळ अंदमान आणि निकोबार बेटांच्या दिशेने सरकेल आणि 22 मार्च रोजी बांगलादेश-उत्तर म्यानमारच्या किनारपट्टीवर पोहोचेल. बेटावर बहुतांश ठिकाणी मध्यम ते मुसळधार पाऊस पडण्याचा अंदाज हवामान खात्याने वर्तवला आहे.तर काही ठिकाणी मुसळधार ते अति मुसळधार पाऊस पडू शकतो.

मच्छिमारांना समुद्रात न जाण्याचा इशारा

वर्षातील पहिले चक्रीवादळ वेगाने बेटांकडे सरकत असल्याने मच्छिमारांना किनाऱ्यापासून दूर राहण्यास सांगण्यात आले आहे. वादळाबाबत हवामान खात्याच्या सतर्कतेनंतर स्थानिक प्रशासनाने सतर्कतेचा इशारा दिला आहे.

न्यूज अनकट प्रतिनिधी: ईश्वर वाघमारे