निलंबित आमदारांचं आंदोलन संपुष्टात पण, अधिवेशनावर टाकणार बहिष्कार

नवी दिल्ली, २२ सप्टेंबर २०२०: राज्यसभेच्या निलंबित झालेल्या आठही खासदारांनी आपलं धरणे आंदोलन संपवलं आहे. यासह काँग्रेसनं संपूर्ण पावसाळी अधिवेशनावर बहिष्कार घालण्याची घोषणा केलीय. काँग्रेसचे राज्यसभा सदस्य राज्यसभेबाहेर गेले आहेत. काँग्रेस व्यतिरिक्त समाजवादी पार्टी (सपा), राष्ट्रवादी काँग्रेस (राष्ट्रवादी), द्रमुक, तृणमूल काँग्रेस (टीएमसी), आम आदमी पार्टी (आप), डावे, आरजेडी, टीआरएस आणि बसपा यांनी या कारवाईवर बहिष्कार टाकला आहे.

वास्तविक, या खासदारांनी २० सप्टेंबर रोजी शेतकर्‍यांशी संबंधित विधेयक मंजूर करताना गदारोळ निर्माण केला. यानंतर, सोमवारी अध्यक्ष व्यंकय्या नायडू यांनी संपूर्ण अधिवेशनासाठी आठ खासदारांना निलंबित केलं. यानंतर सर्व खासदार संसद संकुलातच धरणेवर बसले.

सभापती व्यंकय्या नायडू, तृणमूल काँग्रेसचे डेरेक ओ ब्रायन आणि डोला सेन, काँग्रेसचे राजीव सातव, रिपुन बोरा, नासिर हुसेन, आम आदमी पक्षाचे संजय सिंग, के.के. रागेश आणि माकपचे ई. करीम यांना संपूर्ण सत्रासाठी निलंबित करण्यात आलं आहे. याचा निषेध म्हणून सर्व खासदार गांधी पुतळ्याजवळ संपूर्ण रात्र बसले होते.

आज सकाळी राज्यसभेची कार्यवाही सुरू होताच काँग्रेसनं हा मुद्दा उपस्थित केला. काँग्रेसचे खासदार गुलाम नबी आझाद म्हणाले की, जोपर्यंत आमच्या खासदारांचं निलंबन माग घेतलं जात नाही आणि शेतकऱ्यांच्या बिलांशी संबंधित आमच्या मागण्यांचा विचार केला जात नाही, तोपर्यंत विरोधक अधिवेशनावर बहिष्कार टाकणार आहेत.

यानंतर समाजवादी पक्षाचे खासदार राम गोपाल यादव म्हणाले की मी खासदारांच्या सभागृहात परत जाण्याची मागणीच केली नाही तर विरोधी पक्षाच्या वतीने मी माफी मागितली पण माझ्या माफीच्या बदल्यात कोणताही प्रतिसाद मिळाला नाही. यामुळे मी खूप अस्वस्थ झालो. म्हणूनच मी आणि माझा संपूर्ण पक्ष संसदेच्या या संपूर्ण सत्रावर बहिष्कार घालतो.

त्याचवेळी माजी पंतप्रधान व राज्यसभेचे सदस्य एच.डी.देव गौडा म्हणाले की विरोधी पक्ष आणि सरकारनं दोघांनी एकत्र येऊन सभा चालविण्यास मदत करावी. एकमेकांच्या सहकार्यानं लोकशाही चालू ठेवली पाहिजे. विरोधकांचे वारंवार आवाहन करूनही सरकार ८ खासदारांचं निलंबन मागं घेण्याच्या मन: स्थितीत नाही.

न्यूज अनकट प्रतिनिधी: ईश्वर वाघमारे