तारक मेहता का उलटा चष्मा मालिकेने ११५ दिवसानंतर पुन्हा सुरू केले शूट

मुंबई, १० जुलै २०२० : टेलिव्हिजनचा टॉप TRP शो तारक मेहता का उलटा चष्माच्या चाहत्यांनी आनंद व्यक्त केला आहे कारण, शेवटी या मालिकेच्या प्रोडक्शन हाऊजने पुन्हा शूटिंग सुरू केले आहे.
कोरोनाव्हायरसच्या प्रादुर्भावामुळे लॉकडाऊन करण्यात आले होते. मार्चमध्ये टेलिव्हिजन आणि चित्रपटाच्या शूटिंग थांबवल्या गेल्यानंतर शुक्रवारी या कार्यक्रमाचे दिग्दर्शक मालव राजदा यांनी प्रेक्षकांना चांगली बातमी सांगण्यासाठी त्यांच्या इन्स्टाग्रामवर वर ही शूटिंग सुरू होण्याची बातमी दिली.

त्याने सेटवरील एक चित्र त्यांच्या इन्स्टाग्रामवरून शेअर केले आणि लिहिले की, “रोल … रोलिंग …. …..अैक्शन ….. ११५ दिवसानंतर अखेर शुटिंग सुरू …. कामाला सुरुवात करण्यासाठी सुरूवात, चांगले वाटतयं …. हसण्यासाठी सज्ज व्हा पुन्हा.
इन्स्टाग्रामच्या या छायाचित्रांमध्ये राजदा यांच्यासह काही मालिकेतील सदस्य मास्क लावलेले दिसून येतात.मालिकेमध्ये रीटा रिपोर्टरची भूमिका साकारणारी राजदाची पत्नी प्रिया आहूजा हिने या इन्स्टाग्रामच्या पोस्टवर प्रति पोस्ट करत लिहले की, “लव्ह यू मालदी … तुझ्यासाठी खूप आनंदी आहे … कृपया काळजी घ्या सुरक्षित रहा!

काही दिवसांपूर्वी शोचे निर्माते असित कुमार मोदी यांनी एका वृत्तसंस्थेला सांगितले होते की टीमला पुन्हा सेटवर जाण्याची घाई नाही. “कोण प्रथम शूटिंग पुन्हा सुरू करतो किंवा प्रथम कोण नवीन भागांचे प्रसारण करतो हे पाहण्याच्या शर्यतीत आम्ही नाही. प्रत्येकजण सुरक्षित आहे याची खात्री करून घ्यावी. आम्ही सर्व टिमसह व्हिडिओ कॉलवर पुढे जाण्याच्या मार्गावर चर्चा करीत आहोत. जर आपण प्रारंभ केला आणि मार्गदर्शक तत्त्वा प्रमाणे काम केले तर त्याचा परिणाम चांगला होईल. म्हणून, मी आत्ता एवढेच सांगू शकतो की आम्ही लवकरच कामावर परतू .

न्यूज अनकट प्रतिनिधी