मुंबई, 6 मे 2022: एप्रिलमध्ये, टाटा नेक्सॉनने बाजारात आपली क्षमता सिद्ध केली. एका महिन्यात टाटाने इतक्या युनिट्सची विक्री केली की ती केवळ सर्वाधिक विक्री होणारी SUV नाही तर देशातील टॉप-3 कारपैकी एक होती.
टाटा नेक्सॉन तिसरी सर्वाधिक विक्री होणारी कार
एप्रिलमध्ये टाटा नेक्सॉनच्या एकूण 13,471 युनिट्सची विक्री झाली. एप्रिल 2021 च्या तुलनेत ही वाढ 94.16% आहे. गेल्या वर्षी एप्रिलमध्ये कंपनीने केवळ 6,938 कार्सची विक्री केली होती. यासह टाटा नेक्सॉन एप्रिलमध्ये देशातील तिसरी सर्वाधिक विक्री होणारी कार ठरली.
टाटा नेक्सॉन ही एसयूव्ही सेगमेंटमधील नंबर 1 कार
SUV विभागामध्ये, Tata Texon प्रथम क्रमांकावर आहे (एप्रिल 2022 मध्ये Tata Nexon No.1 SUV). त्याची सर्वात मोठी प्रतिस्पर्धी, ह्युंदाई क्रेटा, त्याच्या मागे आहे. क्रेटा ही एप्रिलमध्ये दुसरी सर्वाधिक विक्री होणारी SUV आणि चौथी सर्वाधिक विक्री होणारी कार होती. तिचे एकूण 12,651 युनिट्स विकली गेली.
मारुती विटारा ब्रेझा ही भारतातील टॉप-10 SUV मधील तिसरी सर्वाधिक विक्री होणारी SUV होती. तिची 11,764 युनिट्सची विक्री झाली. एकूण कारच्या यादीत ती 5वी सर्वाधिक विकली जाणारी कार होती. तर टाटाची पंच ही देशातील चौथी सर्वाधिक विक्री होणारी एसयूव्ही आहे. 10,132 युनिट्सच्या विक्रीसह ती टॉप-10 कारच्या यादीत 10 व्या क्रमांकावर आहे.
मारुती वॅगनआर क्रमांक 1 वर राहिली आहे
एप्रिलच्या टॉप-10 बेस्ट सेलिंग कारच्या यादीत मारुती वॅगनआर पहिल्या क्रमांकावर आहे. तिची 17,766 युनिट्सची विक्री झाली आहे. या यादीत दुसऱ्या क्रमांकावर मारुती एर्टिगा होती, जिने 14,889 युनिट्सची विक्री केली.
याशिवाय टॉप-10 कारच्या यादीत सहाव्या क्रमांकावर मारुती इको, सातव्या क्रमांकावर बलेनो, आठव्या क्रमांकावर डिझायर आणि नवव्या क्रमांकावर अल्टो आहे.
न्यूज अनकट प्रतिनिधी: ईश्वर वाघमारे
